ABŞ ekspertləri təcili olaraq “Pfizer” peyvəndindən istifadəni məsləhət görüb


Virusdan ən çox yoluxma və ölüm halları ABŞ-dadır.

abs-ekspertleri-tecili-olaraq-pfizer-peyvendinden-istifadeni-meslehet-gorub
11.12.2020 10:48 1 dəq oxuma

ABŞ-ın Qida məhsulları və dərmanların keyfiyyətinə sanitar nəzarət üzrə İdarəsinin (FDA) xarici ekspertlər komitəsi Birləşmiş Ştatlarda təcili olaraq “Pfizer” və “BioNTech” şirkətlərinin koronavirus əleyhinə peyvəndini bəyənməyi tövsiyə edib.

Bu barədə “Reuters” xəbər verir.

Komitənin qərarına əsasən, peyvəndin üstünlükləri 16 yaşdan yuxarı böyüklər və daha yaşlılar üçün yoluxma risklərini azaldır.

ABŞ koronavirusa yoluxma ilə bağlı qeydə alınmış halların sayına görə dünyada birinci yerdədir. Ölkədə pandemiya ərzində COVID-19-a 15,5 milyondan çox yoluxma aşkarlanıb, onlardan 291 mini ölümlə nəticələnib.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Report.az / TurpKimi.com

loading...