Alimlər breketlərin beynin fəaliyyətinə təsir etdiyini öyrəniblər

Saratov Dövlət Tibb Universitetinin alimlərinin araşdırmasına görə, breket və plastinkalar (düzləşdiricilər) beyin qabığının fəaliyyətinin strukturunu dəyişdirir.

Qaziler.az xəbər verir ki, nəticələr “The European Physical Journal Special Topics” (EPJST) jurnalında dərc olunub.

Tədqiqat zamanı universitet alimləri şiddətli ağrı sindromu olmayan xəstələrdə breketlər və ya alignerlərdən istifadə edərək dişlərin düzəldilməsinə başlamazdan əvvəl və sonra beyin fəaliyyətindəki dəyişiklikləri öyrəniblər. Bunun üçün onlar beyin qabığında yaranan elektrik potensiallarının cihaz vasitəsilə qeydə alınaraq kağız lentə yazıldığı tədqiqat üsulu olan elektroensefaloqrafiyadan istifadə ediblər.

Nəticələr göstərib ki, breket taxılan zaman beyin qabığının yüksək tezlikli nahiyələrində beyində elektrik aktivliyinin nümunələrinin sayında dəyişikliklər müşahidə edilir. Düzləşdiricilərlə yüngül korreksiyası bu diapazonlarda fəaliyyət nümunələrinin sayının əhəmiyyətli dərəcədə azalması ilə nəticələnir.

Alimlərin fikrincə, bu, braketlərin və düzləşdiricilərin üzün və ağız boşluğunun sensorlarına və sümük strukturlarına güclü təsiri ilə bağlıdır. Üzün yumşaq toxumalarında qismən dəyişikliklər sinir liflərinin və əlaqəli strukturların fəaliyyətinə təsir göstərir, bu da beynin funksional fəaliyyətini dəyişdirir.

Firuzə Alimova / TURPKİMİ.COM