Allergiyaya  yaxşı təsir edən  və evin havasını təmizləyən 12 bitki - Hər evdə mütləq olmalı


Hava çirkliliyi, ekoloji tarazlığın pozulması, qidalara qatılan kimyəvi qatqı maddələri allergik problemlərin də günü-gündən artmasına səbəb olur. 

allergiyaya-yaxsi-tesir-eden-ve-evin-havasini-temizleyen-12-bitki
18.04.2021 16:31 3 dəq oxuma

Nəqliyyat vasitələrindən çıxan tüstü,  sənaye tulantıları bütün dünyada uşaqlarda, böyüklərdə və yaşlılarda astma,  allergik rinit və digər xəstəliklərin yaranmasına səbəb olur. 

TurpKimi.com  allergiyaya yaxşı təsir edən  və evinizin havasını zərərli kimyəvi maddələrdən  təmizləyən bitkilər haqda araşdırma aparıb. Allergiyası olanlar mütləq şəkildə bu 12 bitkini evdə yetişdirməlidirlər. 

1. Sülh zanbağı

Tünd yaşıl yarpaqları və ağ çiçəkləri ilə həm evə gözəllik verir, həm də evin havasını təmizləyir.  Aparılan araşdırmalara görə bu bitki toksiki maddələri və allergiya yaradan elementləri əməllicə təmizləyir.  

2. Çin həmişəyaşıl bitkisi - Aqlaonema

Aqlaonema bitkisi NASA-nın  təklif etdiyi tənəffüs etdiyimiz havanı təmizləyə bilən  bir neçə bitkidən biridir. Havadakı  zərərli kimyəvi maddələri və hissəcikləri təmizləyə bilir. Ancaq insan sağlamlığı üçün əhəmiyyətli dərəcədə təhlükə yarada bilər. Buna görə evinizdə yetişdirmzdən  əvvəl diqqətli olun.

3. Kauçuk bitkisi - Fikus

Sərt, plastikə bənzər yarpaqlarına görə adına kauçuk bitkisi deyilir. Elmi adı  "Ficus elastica"dır. Fikus bitkisi  formaldehit, yəni toksin təmizləyicidir. Bu kimyəvi birləşmə  uşaqlarda astmanı artırır.

4. Janet craig bitkisi- Dracaena xurma bitkisi

İstər dracaena fragrans, istər janet craig və ya qarğıdalı gövdəsi bitkisi kimi də  adlandırın.  Allergiyanız varsa,  bu cür bitkiləri evinizdə saxlaya bilərsiniz. Astmanı və allergik riniti artıran  toluenin havasını təmizləyər.

5. Boston fern


Rütubətli yerlərdə daha yaxşı  bitən  bu bitki çox az qulluq tələb edir.  NASA-da işləmiş keçmiş  araşdırmaçı alim  "Boston ferni otu havadakı zərərli toksinləri təmizləmək üçün ən təsirli bitkilərdən biridir" demişdi.

6. Paşa qılıncı 

İlan bitkisi və ya paşa qılıncı quru yerlərdə bitən  bir bitkidir. Havada olan 5 əsas  toksinin 4-nü də təmizləyə bilər.

7. Aloe vera

Aloe veradan kosmetik vasitə  və ya tibbi məqsədlərlə istifadə edildiyini  bilməyən yoxdur, ancaq bu bitkinin faydaları sırasına təmizləyici olması da daxildir. Digər bitkilərdəki kimi  formaldehit (zərərli partikulyarları, kimyəvi maddələri)  havasını da təmizləyə bilər.

8. Flaminqo çiçəyi 


Növünün tək nümunəsi kimi tanına Flaminqo zanbağı parlaq qırmızı çiçəyi ilə otağa həqiqətən xüsusi rəng qatır. Öskürəyə, burun və boğazda qıcıqlanma yaradan,   kimyəvi maddə olan  havadakı amonyağını  da filtrləyə bilər. Ancaq, bəzilərinin bu bitkiyə qarşı  allergiyası var. Evinizə gətirməzdən öncə  etibarlı olduğundan əmin olun.

9. Bambuk bitkisi (Areka) 

Bambuk bitkisi Amerikanın subtropikal və tropik bölgələrinə xas, dünya səviyyəsində bir ev bitkisi kimi məşhurdur. 6 metrə qədər böyüyə bildiyi üçün tipik olaraq bir dekorasiya funksiyası yerinə yetirir. Bambuk palması həm çox gözəldir, həm də   havanı baş ağrısı və baş gicəllənməsinə  səbəb ola biləcək kimyəvi  mürəkkəb olan trikloretilendən təmizləyə bilər.

10. Gerbera çobanyastığı

Çiçəkləri sevirsinizsə və allergiyanız varsa, Gerbera çobanyastığı ən yaxşı yoldaşınız ola bilər. Yaydan payıza qədər çiçək açar və yarpaqları 3 təhlükəli hava çirklədici maddəni təmizləyə bilər.

11. İngilis sarmaşığı 


İngilis sarmaşığı sürətlə böyüyən və hər hansı bir səthə dırmaşa bilən bir bitkidir. Bu möcüzəvi bitki evinizin içində olan havadakı toksinləri filtrləyə bilir və  tənəffüslə əlaqədar allergiyalara da kömək edir.

12. Hörümçək bitkisi - Xlorofitum

Clorophytum termini, Cənubi Afrikada yaşayan çoxsaylı həmişəyaşıl ot bitkilərini bir araya gətirən bir cinsə aiddir. Xlorofit və ya Klorofitum kimi də bilinən hörümçək bitkisinə qulluq asandır,  uzunömürlüdür. Araşdırmalar bu bitkinin daxili mühit hava çirkliliyini azaltmaqda təsirli olduğunu göstərmişdir.

Vüsalə Əlövsətqızı, TurpKimi.com