Azərbaycanda uşaqlara ən çox bu adlar qoyulur

Azərbaycanda oğlan və qız uşaqlarına ən çox qoyulan adlar məlum olub.

XəzərXəbər xəbər verir ki, bu barədə Ədliyyə Nazirliyinin rəsmisi Nahid Səfərli bu gün keçirilən brifinqdə məlumat verib.

O qeyd edib ki, 2021-ci ildə yeni doğulan oğlan uşaqlarına ilk beşlikdə verilən adlar Əli, Yusif, Uğur, Hüseyn, Məhəmməd olub.

N.Səfərlinin sözlərinə görə, 2022-ci ilin iki ayı ərzində isə oğlan uşaqlarına ən çox Yusif, Əli, Uğur, Hüseyn və Məhəmməd adları verilib.

"Qız uşaqlarına isə 2021-ci ildə ən çox Zəhra, Zeynəb, Aylin, Məryəm və Fatimə adları verilib. 2022-ci ilin iki ayı ərzində də Zəhra, Zeynəb, Məryəm və Fatimə adları üstünlük təşkil edib”, - deyə N.Səfərli vurğulayıb.

TurpKimi.com