Bananın içindəki nazik iplər nədir?

Adətən banan yeyərkən əhəmiyyətsiz olduğunu düşünüb ətrafındakı kiçik ağ ip kimi görünən lifləri çıxarırıq. Bu liflərin nə işə yaradığı heç sizi maraqlandırıbmı?

Bəs bu iplərin zərərli olmadığını və faydalı funksiyalarının olduğunu bilirsinizmi?

TurpKimi.com bildirir ki, banandakı həmin iplərə loem lifi deyilir. Bu quruluş vitaminlərin yarpaqdan meyvəyə daşınmasını təmin edir. Bitkinin faydalılığında əhəmiyyətli rol oynayan loem lifləri yeyilə biləndir.

Odur ki, banan yeyərkən üzərindəki ipləri ayırıb kənara atmanıza ehtiyac yoxdur. Bir az ləzzətsiz olsalar da sağlamlığınız üçün təhlükəli deyil. Meyvənin böyüməsində rol oynayan bu quruluş kalium, A, B6 vitamini və lif kimi xüsusi tərkibə malikdir.

Firuzə Alimova / TurpKimi.com