Bayram axşamı, qonaqlıqdan sonra orqanizmi özünə necə gətirmək olar? - 9 sadə məsləhət


Ağır şam yeməklərindən və bayram axşamı qəbul edilən yeməklərdən sonra orqanizmi özünə gətirmək bir az çətin olur. 

bayram-axsami-qonaqliqdan-sonra-orqanizmi-ozune-nece-getirmek-olar
15.03.2022 21:05 3 dəq oxuma

Amma  Sağlam Qidalanma və Diyet  üzrə mütəxəssis Roksi Menase  9 üsula riayət etməklə bir gecə əvvəl yüklənmiş vücudu özünə gətirməyin mümkün olduğunu bildirir. 

TurpKimi.com orqanizmi yeniləyən, toksinlərdən təmizləyən üsulları təqdim edir:

Yuxudan duran kimi bir stəkan su için

Oyanan kimi içdiyiniz 1 stəkan su əvvəlki axşam istehlak etdiyiniz yüksək yağlı qidalar və ya şəkərli içkilərdən  sonra bədəndə yaranan toksinləri təmizləməyə köməkçi olur; daxili orqanlara oksigenin çatmasını və dərinin nəm balansının qorunmasını təmin edir. 

Səhər yeməyindən əsla imtina etməyin

Neçədə dursanız da xəmir məmulatları, işlənmiş qidalar-kolbasa, sosiska, cem kimi qidalardan uzaq durun. Zülaldan zəngin qidalar- yumurta, ağ pendir, zeytun, qoz, tam buğda çörək və yaşıl tərəvəzlərdən ibarət  yüngül bir nahar əvvəlki axşam yediyiniz ağır yeməyi nizamlamağa kömək edər. 

"Dünən axşam çox yedim" deyib, ac qalmayın

Qan şəkərinizi tarazlamaq  üçün paylarınızı axsatmayın. Əhəmiyyətli olan istehlak etdiyiniz qidaların tərkibidir. Yağlı qidalar  əvəzinə zülallı qidalar ilə bitki mənşəli qidaları istehlak etməyə diqqət edin. 

Yürüşə çıxın

Xüsusi günlərdə və ya bayram axşamlarında qəbul etdiyiniz yeməkləri həzm edə bilmək və mədənizi rahatlaşdırmaq üçün çölə çıxıb yarım saat piyada gəzin. Yürüşə çıxmaq  xərclədiyiniz enerji miqdarını artırar, bir əvvəlki gün aldığınız  çox enerjini tarazlamağa  kömək edər.  Aktiv fiziki fəaliyyət serotonin, dopamin və norepinefrin kimi xoşbəxtlik və enerji verən hormonların ifraz olunmasına kömək edir. Bu da səhəri gün  daha enerjili və pozitiv  olmağı təmin edir.

1 kasa qatıq yeyin

Bəslənmə və Diyet üzrə Mütəxəssis Roksi Menase qeyd edib ki,  bağırsaq florası  yeyib içdiklərimizdən, qidaların içərisindəki qoruyucu və qatqı maddələrindən, dərmanlardan, stresdən və digər bir çox faktorlardan təsirlənir. "Bağırsaq florasını qorumaq immunitet sistemi qədər ruh sağlamlığımız üçün də çox əhəmiyyətlidir. Bir kasa qatıq, ya da bir stəkan kefir kimi probiotik qidalar  ağır yemək və içkilərdən sonra bağırsaq sağlamlığımıza müsbət təsir edəcək". 

Gün ərzində tez-tez bol su üçün

Bayram axşamlarında, xüsusi dəvətlərdə yeməyin yanında su içmək əvəzinə şəkərli, qazlı və spirtli içkilər kimi yüksək karbohidratlı  içkilər istehlak edilir. Yüksək karbohidratlar isə bədəndə su yığır. Ona görə də  ağır yeməyin səhəri günü  ən az 2 litr su için. Su içmək bədəninizdə şişkinliyin yaranmasını önləyəcək və yaranan toksik maddələrin ifrazına kömək edəcək.  

Çay və qəhvəni məhdudlaşdırın

Kafeinin qəbulu ürək ritmini sürətləndirir. Gün ərzində 3-4 orta ölçüdə  fincan çay və ya qəhvə için. Artığı ziyandır. Çalışın qəhvə ilə birlikdə su da qəbul edin.   

Bol tərəvəz istehlak edin

Antioksidant tərkibli  qidaları istehlak etməklə pis qidalanma  zamanı yaranan və immunitet sisteminə mənfi təsir edərək xəstələnmə riskini artıran sərbəst radikallardan qoruna bilərsiz. Mövsümi tərəvəzləri ana yeməklərinizdə mütləq istehlak edin. 

Axşam yeməyini erkən yeyin

Axşam yeməyini erkən yemək lazımdır. Yeməklərin bədəndə həzm edilmə müddəti 2-6 saat arası dəyişir. Buna görə,  axşam yeməyinizi yuxudan 4 saat, gecə yeməyinizi isə  yüngül  ara payla ən azı 2 saat əvvəl bitirməniz özünüzü daha yaxşı hiss etmənizi təmin edər. Xüsusilə mədə qıcqırması və mədə yanması kimi  narahatlıqlarınız varsa, bu müddətə daha çox  diqqət edin. 

Vüsalə Əlövsətqızı, TurpKimi.com

Dərc olunub:10-03-2020