Bətninizdəki körpənin çəkisi artsın, sizin yox - Hamilələrə qızıl kimi məsləhət

Hamiləlik dövrü həm ananın, həm də körpənin sağlamlığı üçün kritik bir müddətdir. Ananın sağlam bəslənməsi dölün inkişafına birbaşa təsir edir. Douşdan öncəki müayinələrdə fetusun çəkisindən sağlamlığı təqib etmək mümkündür. Fetusun ağırlığının normal dərəcədə artması  sağlam hamiləlik və doğum üçün çox əhəmiyyətlidir.

Fetusun ağırlığı bəslənmə və ananın həyat tərzi ilə birbaşa əlaqəlidir. Buna görə də sağlam hamiləlik üçün ana namizədlər faydalı qidaları istehlak etməlidirlər. 

Xüsusilə 9-cu  ayda fetus sürətli şəkildə çəki alır. Bu dövrdə doğru qidaları seçmək körpənin inkişafı üçün son dərəcə əhəmiyyətlidir. 

TurpKimi.com mütəxəssislərin məsləhətlərini bir yerə toplayıb. 

Hamiləlikdə ananın yox, gələcək körpənin çəkisinin sağlm artması üçün nələri yemək lazımdır? 

Avokado 

Körpənin inkişafı üçün həyati əhəmiyyəti olan sağlam yağlar, folat və kalium avokadoda çox miqdardadır.  C və E vitamini ehtiva etdiyi üçün immunitet sistemini gücləndirər.

Somon balığı

Omeqa-3 yağ turşuları ilə zəngin olan somon körpənin beyin və sinir sisteminin inkişafına kömək edir. Tərkibində çox cüzi miqdarda civə olduğundan  hamilələr üçün etibarlı bir balıqdır.

Süd məhsulları

Kalsium və zülal baxımından zəngin süd və süd məhsulları körpənizin sümük inkişafını dəstəkləyər. Qatıq və ayran, probiotik tərkibi ilə həzmi də asanlaşdırar.

Mərcimək

Folat, dəmir və manqan kimi elementlərlə zəngin olan mərcimək zülal qaynağı kimi fetusun böyüməsinə kömək edər. Bitki mənşəli lif baxımından zəngin olduğu üçün həzm sisteminə fayda verər. 

Göy noxud və paxla

Zəngin zülal və dəmir qaynağı olan göy noxud və paxla hamiləlikdə fetusun çəkisinin artmasına kömək edər.  Bitki mənşəli zülal qaynağı  ilə mükəmməl bir alternativdir.

Yumurta

Yumurta A və D vitamini, zülal, kolin və fol turşusu baxımından zəngin olub, fetusun inkişafında kritik rol oynayar. Hər gün istehlak edilən bir yumurta körpənin sağlam böyüməsinə kömək edir.

İspanaq

Kalsium və fol turşusu qaynağı olan ispanaq, fetusun sümük və beyin inkişafına fayda verir. 

Paxlalılar

Paxla dəmir və folat baxımından zəngindir və hamiləlikdə dölün inkişafına kömək edir. Aşağı kalorili və bəsləyici qida qrupudur.

Brokoli

Brokoli yüksək miqdarda folat, C, A vitamini və beta karoten və kalium ehtiva edər. 

Balqabaq

A, B6 və C vitamini, dəmir, kalsium və sink kimi əhəmiyyətli elementlər baxımından da zəngindir. Fetusun ümumi inkişafına fayda verir. 

Çərəzlər

Qoz, badam, fındıq və yer fındığı kimi çərəzlər sağlam yağ turşuları, zülal, sink və dəmir ilə fetusun ehtiyac duyduğu qidaları qarşılayar. Aclıq sancılarıyla mübarizədə də təsirli olurlar.

Kələm və quşqonmaz

Dəmir, A vitamini və antioksidantlar baxımından zəngin olan kələm və quşqonmaz, fetusun artan qida ehtiyacını qarşılayar və hamiləlik müddətində sağlam böyüməsinə qatqı təmin edər.

Şirin kartof

Beta-karoten qaynağı olan şirin kartof  A vitamininə çevrilərək fetal böyüməyi dəstəklər. Qəbizliklə mübarizə aparar və immunitet sistemini gücləndirər.

Toyuq

Yüksək keyfiyyətli zülal qaynağı olan toyuq fetusun sağlam inkişafı üçün lazımdır. Gündə 100 qram toyuq hamilə qadının zülal ehtiyacının böyük bir qismini qarşılayar.

Soya paxlası

Zəngin zülal qaynağı olan soya paxlası lif, folat, kalsium və dəmir ehtiva edər. Vegeteriyan analar üçün möcüzə bir alternativdir və fetusun sağlam inkişafına köməkçi olar.

Vüsalə Əlövsətqızı, TurpKimi.com