Bu həftə məktəblərin açılıb-açılmayacağı məlum olacaq - Təhsil nazirindən AÇIQLAMA


Ceyhun Bayramov televiziya verilişində sualları cavablandırıb.

bu-hefte-mekteblerin-acilib-acilmayacagi-melum-olacaq
15.04.2020 11:50 1 dəq oxuma

"Düşünürəm ki, təhsil müəssisələrində tədris müddətinin dayandırılmasının uzadılması barədə qərar qəbul olunarsa, Azərbaycan ictimaiyyətinə bu həftə ərzində bununla bağlı məlumat veriləcək".

Trend-in məlumatına görə, bunu Təhsil naziri Ceyhun Bayramov AzTV-nin “Hədəf” verilişində deyib.

C.Bayramov deyib ki, təhsil müəssisələrində tədrisin bərpa olunması gün ərzində 2 milyona yaxın insanın hərəkət etməsi deməkdir:

“Ölkə başçısının tapşırığına uyğun olaraq, Azərbaycanda ilk koronavirus faktı aşkar olunandan bir neçə gün sonra bütün təhsil müəssisələrində tədris prosesinin dayandırılması barədə qərar verildi. Azərbaycan bu baxımdan ilk ölkələrdən biri oldu. Azərbaycanda həyata keçirilən çox çevik tədbirlər nəticəsində ölkəmizdəki sanitar-epidemioloji vəziyyətə tam nəzarət edilir. Biz eyni zamanda fərqli ssenarilər də görmüşük. İnkişaf etmiş ölkələrdə pandemiyanın 2-3 həftə ərzində səhiyyə sistemini çökdürdüyünü gördük. Ona görə də Nazirlər Kabineti yanında Operativ Qərargah bütün riskləri nəzərə alaraq, sanitar-epidemioloji vəziyyətdən asılı olaraq, qərar qəbul edəcək”.

TurpKimi.com

loading...