Çox yeyirsiz? - İştah azaldan 10 qida

TurpKimi.com sizi tox tutaraq iştahanızı azaldacaq sağlam qidaların siyahısını təqdim edir.

1. Alma

 Alma mükəmməl lif mənbəyidir və tərkibində olan su özünüzü tox hiss etmənizə səbəb olur. Almanın tərkibində olan pektin qan şəkərini tənzimləməyə köməkçi olur. 

2. Avokado

Tərkibindəki sağlam yağlar və liflər tox qalmağınıza kömək edir. Həmçinin ən yaxşı yağ əridən meyvələrdən biridir və arıqlamağa kömək edir.

 3. Darçın

Darçın qan şəkərini aşağı salır. Eyni zamanda şirin yemək  istəyini də öldürür. İştahanın azalmasına kömək edir. Südə darçın qatıb içmək aclıq hissini öldürür, sizi bir müddət tox tutur.

4. Tünd qara şokolad

 İçərisində 70 faiz kakao olan şokoladları üstünlük vermək lazımdır.  Acı şokolad  iştahanızı azaltmaq üçün beyinə siqnal göndərir və toxluq hissi verir.

5. Yumurta

Yumurta zülal mənbəyidir. Səhər yeməklərində  yumurta istehlak etsəniz, sizi uzun müddət tox saxlayar.

6. Paxlalılar

Paxlalılar fəsiləsinə aid olan mərci, noxud, quru lobya, maşı süfrələrinizdən əskik etməyin. Zülal və lif baxımından çox zəngin olan paxlalılar sizi uzun müddət tox saxlayır. İştahanızı nəzarət altına alır.

7. Qatıq

 Zülal baxımından  zəngin olan qidalar arasında qatığın xüsusi yeri var. Yeməklərarası və ya yemək vaxtı qatıqdan istifadə etmək uzun müddət tox qalmağınıza kömək edir.

8. Brokoli

Lif baxımından zəngin olan brokoli həm kalorisi aşağı, həm də ən sağlam qidalardan biridir. Gül kələmi aclıq hissini yox edir və sizi tox tutur.

 9. Badam

 Ən faydalı quru meyvələrdən biri olan badam sayəsində iştahanızı nəzarət altına ala bilərsiniz. Ara payda  gündə bir ovuc badam yemək olar.

10. Acı istiot

Acı bibərin tərkibində olan kapsaisin maddəsi iştahanızı nəzarətdə saxlayır. Yeməklərdə və ya salatda acı istiotdan  tez-tez istifadə edin. 

17-03-2019

Vüsalə Əlövsətqızı, TurpKimi.com