Ev şəraitində simit hazırlamaq qaydası - Resept

TurpKimi.com ev şəraitində simit hazırlamaq haqda  yazacaq. Budan sonra heç yerdən simit almayacaqsız. 

Lazım olan ərzaqlar:

750 qr un
37 qr şəkər tozu
22 qr duz
37 qr yaş maya
75 ml duru yağ
420 ml su
1 su stəkanı bəkməz
3 su stəkanı su
2 su stəkanı küncüt

Hazırlanması:

Bir qabda yaş maya, su və duru yağ  qarışdırılır. Dərin bir qaba   un, duz, şəkər və  qarışdırdığımız kütləni də əlavə edib, xəmir yoğururuq.  Üzərinə nəmli və  təmiz bir bez örtüb mayalanmasını gözləyirik.

Xəmir təxminən iki dəfə şişəndə kündələrə ayırırıq. Uzunununa kündələyib buraraq tərs üzün üstə qoyuruq.  Simit forması veririk. 

Bəkməzi su ilə açırıq.  Simit  mayalandıqdan sonra bəkməzə  salıb küncütə batırırıq.  Əvvəlcədən isidilmiş 165 dərəcə sobada 12-15 dəqiqə bişiririk.

Bişirməzdən əvvəl soba nimçəsində mayalandırın.  

Nuş olsun!