Günəş şüaları genetikamıza təsir edir - Görünməz təhlükəsi

Birbaşa günəş işığının təsiri altında qaralmaq dərinin hüceyrə membranını məhv edir, onu susuzlaşdırır. Bu hal orqanizmdə oksidləşdirici stressə səbəb olur.

TurpKimi.com xəbər verir ki, bu fikirləri həkim Yelena Solomatina “Radio 1”ə müsahibəsində bildirib. Onun sözlərinə görə, günəş vannası qəbul etmək xeyirdən çox zərər verir.

“Dəriyə nüfuz edən günəş şüaları sözün əsl mənasında molekulları parçalamağa başlayır və genetik aparatımıza - DNT-yə təsir göstərir. Genetikanızı yanıq və ya adi oxşar şüalanma ilə parçalaya bilərsiniz. Hüceyrə ölməyə başlayacaq. Bu, zəncirvari nüvə prosesi kimidir”, - Solomatina xəbərdarlıq edib.

Onun fikrincə, günəşdən qorunmaq üçün təkcə kosmetik vasitələrdən istifadə etmək kifayət etmir. Bədənin hialuron turşusu, omeqa-3 yağ turşularını və xolesterolu qəbul etməsi vacibdir. Həkim yayda qidalanmaya daha çox dəniz məhsulları, giləmeyvə, balıq və meyvələr əlavə etməyi məsləhət görüb.

Firuzə Alimova / TURPKİMİ.COM