Günəş yanığı üçün evdə müalicə üsulları 

Çimərlikdə və ya açıq havada vaxt keçirərkən günəşdən qorunmaq vacibdir. Əgər bunu bacarmayıb dərimizi yandırmışıqsa, onda çarə axtaraq. 

TurpKimi.com günəş yanığını evdə müalicə etməyin sadə üsullarından yazacaq. 

Aloe vera

Az qala hər dərdə çarə olan aloe vera günəş yanıqlarının bir nömrəli dərmanıdır. Tərkibində olan  nəmləndirici və sərinlədici gel günəş yanığına tətbiq edilərkən qaşınmanı kəsir və dərinin yenilənməsini təmin edir.

Su içmək

Günəşdə olarkən orqanizm maye itkisinə məruz qalır. Günəş yanığı yarandıqdan sonra da bol miqdarda su qəbul edilməlidir. Su eyni zamanda dərinizi nəmli saxlayar və sağalma prosesini sürətləndirər. 

Soyuq kompres

Soyuq kompreslər dərini nəmləndirməyə kömək edər. Ancaq diqqət bu əməliyyatı edərkən birbaşa dərinizə vurmayın. Yanan hissəyə  mütləq nəmli bir bez qoyub ondan sonra kompres edin.

Vüsalə Əlövsətqızı, TurpKimi.com