Hansı bitki çayı hansı xəstəliyə dərmandır? - Soyuq havaların bitki çayları

Soyuq hava xəstəliklərin çoxalmasına səbəb olur. Xəstəliyə tutulmamaq üçün alınan profilaktik tədbirlər həqiqətən öz faydasını verir və ya xəstəliyi daha yüngül sovuşdurmamıza köməkçi olur. Bitki çayları xəstəliklərlərə tutulmamaq üçün vacibdir.  Hansı bitki çayının  nəyə qarşı faydalı olduğunu bilmək xəstəliyə tutulmaqdan xilas olmağa,  ya da yüngül sovuşdurmağa kömək edir. 

TurpKimi.com bu haqda bəzi detalları oxuculara təqdim edir:

Yaşıl çay

Güclü antioksidant qaynağı olan yaşıl çay eyni zamanda xərçəngə qarşı qoruyucudur.  Diş çürüməsinin qarşısını alır,  diş əti xəstəliklərinə yaxşı təsir edir.  Diyet siyahılarının imtina edilməzi olan yaşıl çay maddələr mübadiləsini sürətləndirərək arıqladır. 

Çobanyastığı çayı

Ağrıkəsici xüsusiyyətiylə tanınan çobanyastığı çayı (romaşka-Red.)  yuxusuzluqdan əziyyət çəkənlər üçün  nizamlı istehlak edildiyində böyük fayda verir. Stressi azaltmağa kömək edir, allergik əlamətləri azaldır,  bağırsaq problemlərinin müalicəsində böyük rol oynayır. Ən əmiyyətli xüsusiyyəti isə dişdə yaranan iltihablanmanı aradan qaldırmaqdır. Çobanyastığı çayı qarqara şəklində istifadə edildikdə müalicəvi maye vəzifəsini yerinə yetirir. 

Razyana çayı 

Qaz sancısı, mədə ağrıları, həzm sistemi kimi problemlərin aradan qaldırılmasına kömək edir  və həzmsizliyin qarşısını alır.

Qarğıdalı saçağı çayı 

Sidikqovucu xüsusiyyəti olan qarğıdalı saçağı  çayı sidik yolları infeksiyalarının, sistitin  müalicəsində istifadə edilir. Eyni zamanda yüksək təzyiq probleminə yaxşı yaxşı təsir edir, ürək sağlamlığını qoruyur və diyabet xəstələrində xroniki yorğunluğun müalicəsində istifadə edilir.

Gicitkən çayı

Yüksək miqdarda dəmir ehtiva etdiyi üçün anemiya-qanazlığı xəstəliyinin müalicəsində istifadə edilir, sidikqovucu  xüsusiyyəti vardır. Qaraciyər və böyrəkləri təmizləyir, immunitet sistemini gücləndirir və soyuqdəymə,  öskürəyə yaxşı təsir edir.

Ada çayı (sürvə) 

Qış aylarında ən çox içilən  çay ada çayıdır. Bronxit və astma əlamətlərini yüngülləşdirir,  zərərli toksinlərin bədəndən xaric  olmasına kömək edir, qaraciyəri təmizləyir, sidik yolu infeksiyalarının müalicəsində istifadə edilir, stressi azaldır, qadınlarda menopozdan sonra yaranan problemləri azaltmağa kömək edir. 

Bibəriyə çayı

Qəbizliyin  müalicəsində istifadə edilir. Yaddaşın güclənməsinə kömək edir və diqqəti artırır. Qan dövranını sürətləndirir və immunitet sistemini gücləndirir.

İtburnu çayı

İtburnu çox faydalı müalicəvi bitkidir. Bu çay immun sistemini stimullaşdırır və möhkəmləndirir, bakteriya əleyhinə təsir edir, iltihabları azaldır.

Soyuq qış aylarında, soyuqdəymə epidemiyaları zamanı bu çay bizə çox yaxşı müalicəvi və profilaktik kömək edə bilər.

Həmçinin itburnu çayı ürək-damar sistemi xəstəliklərdən əziyyət çəkənlər üçün çox faydalıdır, arterial təzyiqi normallaşdırır, damarları təmizləyir və möhkəmləndirir, qanazlığı zamanı kömək edir.

İtburnu sidikqovucu və iltihabəleyhinə təsirə malikdir. Bu isə itburnu çayını sidik kisəsi və sidik yolları iltihabları zamanı çox təsirli müalicəvi vasitə kimi istifadə etməyə imkan verir.

Zəncəfil çayı

Zəncəfilin faydaları saymaqla bitmir. Arıqladıcıdır, metabolizmanı gücləndirir, sakitləşdiricidir və qaz sancılarını azaldır. Soyuqdəymədə bədəni tərlədir. İltihab önləyici təsiri ilə xüsusilə oynaq iltihablarına qarşı olduqca faydalıdır. Bəlğəmli öskürəyin yaxşılaşmasının sürətləndirir. Bulanmaları aradan qaldırmağa köməkçi olar və qusmanın qarşısını alır. Bədən müqavimətini və zehni gücü artırır. Mikroböldürücü və immunitet gücləndiricidir. Xərçəngə qarşı qoruyucudur. Damar tıxanıqlığının qarşısını almağa kömək edir, qan damarlarını genişlədərək revmatizm ağrılarını da yüngülləşdirir. Bağırsaq pozulmasına kömək edir, ishalı kəsir. Cinsi istəyi artırır.

Vüsalə Əlövsətqızı, TurpKimi.com

Dərc olunub: 09-11-2019