Hansı duzdan istifadə edək? - Xörək duzu, yoxsa dəniz duzu?

Amerikalı dietoloq Mişel Raux süfrə üçün dəniz duzunu sağlamlığa faydalı hesab edib. Çünki o, minimal dərəcədə işlənmiş olsa da tərkibində az miqdarda maqnezium, kalsium və kalium ehtiva etdiyini söyləyib. Bununla belə, istənilən formada həddindən artıq natrium qəbulu ürək və damar xəstəlikləri riskini artıra bilər.

TurpKimi.com xəbər verir ki, bu barədə “Daily Mail” məlumat yayıb.

Mütəxəssis izah edib ki, dəniz duzu, Himalay duzu və adi xörək duzunun tərkibində təxminən 40% natrium var ki, bu da qan təzyiqinə təsir edən birləşmədir. Dəniz duzu minimal işlənmiş olur və tərkibində maqnezium, kalsium və kalium ola bilər. Adi duzun tərkibində isə yod var, onun əsas bioloji rolu tiroid hormonlarının əmələ gəlməsindədir.

Raux vurğulayıb ki, məşhur inancın əksinə olaraq, adi süfrə duzunu dəniz duzu ilə əvəz etməyə ehtiyac yoxdur. Balanslaşdırılmış rasion bədəni bütün lazımi minerallarla təmin edə bilər. Bundan əlavə, dietoloqun fikrincə, duzun istənilən növünün qəbulu məhdudlaşdırılmalıdır.

Həddindən artıq natrium bədəndə mayenin tutulmasına səbəb olur. Həmçinin duz istehlakının artımı hipertoniya, ürək və damar xəstəliklərinə səbəb ola bilər. Bu, dövran edən qanın həcminin artması və arterial divarlara təzyiqi ilə əlaqədardır.

Firuzə Alimova / TURPKİMİ.COM