Hava şəraiti ilə bağlı növbəti xəbərdarlıq


Yağış, qar yağacaq, külək əsəcək.

hava-seraiti-ile-bagli-novbeti-xeberdarliq-1
14.05.2023 19:44 1 dəq oxuma

Mayın 15-i günün ikinci yarısınadək şimal-qərb küləyinin 15-20 m/s, arabir 23-25 m/s-dək güclənəcəyi, 15-dən 16-sı gündüzədək isə fasilələrlə yağış yağacağı gözlənilir.

Bu barədə Milli Hidrometeorologiya Xidmətindən məlumat verilib.

Abşeron yarımadasının bəzi yerlərində yağışın intensiv olacağı ehtimalı var.

Azərbaycanın rayonlarında mayın 16-sı gündüzədək hava şəraitinin arabir yağıntılı olacağı gözlənilir. Bəzi yerlərdə leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var.
Qərb küləyi ayrı-ayrı yerlərdə arabir 18-23 m/s-dək güclənəcək.

Çaylarda sululuğun artacağı, bəzi kiçik çaylardan qısamüddətli daşqın keçəcəyi ehtimalı var.

TurpKimi.com