Həkimlər dəri və saç vitaminləri ilə bağlı bütün mifləri alt-üst etdilər

Biotin əlavələrinin qəbulu əksər insanlar üçün təhlükəsizdir, lakin dırnaqların, dəri və saçların keyfiyyətinin yaxşılaşdırılmasında sübut edilmiş effektivliyi yoxdur.

Bu barədə “Health” jurnalı məlumat yayıb.

Yetkinlərin gündə 30 mikroqram biotinə, yəni B7 vitamininə ehtiyacı var. Əksəriyyət bunu qidadan (qaraciyər, yumurta, qızılbalıq, günəbaxan tumu və badam) ala bilir. Lakin 2000-ci ildən 2016-cı ilə qədər təkcə ABŞ-da biotin əlavələrinin istehlakı 28 dəfə artıb. Bəzi reseptsiz əlavələr gündəlik tövsiyə olunandan daha yüksək doza ehtiva edir. Mütəxəssislər qeyd edirlər ki, nadir hallarda doza min dəfə çox olsa belə (bəzi dərmanların tərkibində 10-20 min mkq biotin var) narahatlıq doğurur.

Bədəndə biotin qidaları enerjiyə çevirməyə kömək edir. Onun çatışmazlığı dəri problemlərinə, saç tökülməsi və kövrək dırnaqlara səbəb olur. Bununla belə, biotin əlavələrinin faydaları ilə bağlı araşdırmalar ziddiyyətli nəticələr verib və hazırda onun effektivliyinə dair etibarlı sübut yoxdur.

Ancaq bəzi insanlar biotin qəbulunun faydalarını görə bilər. Amma həddindən artıq qəbul edildikdə, bu maddə sidiklə atılır. Bu zaman ürəkbulanma, mədə-bağırsaq pozğunluğu, yatmaqda çətinlik və susuzluq kimi hallar baş verəcək.

Mütəxəssislər biotin çatışmazlığının əsasən, hamilə qadınlarda, alkoqoldan istifadə edənlərdə, siqaret çəkənlərdə, düzgün qidalanmayanlarda, antibiotiklərdən istifadə edənlərdə və bağırsaqların iltihablı xəstəliklərində nadir hallarda rast gəlindiyini vurğulayıblar.

Firuzə Alimova / TURPKİMi.COM