Hər gün qarabaşaq yemək ciddi hormonal problemlər yaradır

“Qarabaşaq yarmasının gündəlik istehlakı böyrək problemlərinə səbəb olur və hormonal disbalans yaradır”.

TurpKimi.com xəbər verir ki, bu barədə Moskvanın Vidnovskaya Klinik Xəstəxanasının ümumi praktikantı Zümrüd Ömərova xəbərdarlıq edib. “NEWS.ru” ilə söhbətində mütəxəssis vurğulayıb ki, bu taxıl bitkisi əsasında qurulan monoton pəhriz başgicəllənmə, güc itkisi, yuxu pozğunluğu, səpgilər, apatiya, miqren, bağırsaq pozğunluğu və diş problemləri ilə doludur.

"Təkcə qarabaşaq yarmasının gündəlik istehlakı böyrək funksiyasını azaldır, hormonal balanssızlığa, sinir sistemində problemlərə və vitamin çatışmazlığına səbəb ola bilir. Monoton pəhrizin nəticələrini düzəltmək isə olduqca çətindir. Bir məhsula allergik reaksiya baş verərsə, o zaman uzun müddət və bəlkə də əbədi olaraq onu qidalanma rasionunuzdan  tamamilə çıxarmalı olacaqsınız”, - deyə həkim izah edib.

Ömərova bildirib ki, qarabaşaq yarmasını digər məhsullarla birlikdə qəbul etdikdə faydası daha da artır. Belə ki, bu taxılda rekord miqdarda qida maddəsi var. Terapevtin sözlərinə görə, qarabaşaq yarması yemək vitamin çatışmazlığının inkişaf riskini azaldır, dərinin, saçın, dırnaqların və dişlərin vəziyyətini yaxşılaşdırır, həmçinin immuniteti artırır.

Firuzə Alimova / TURPKİMİ.COM