İsti döşəmənin insan üçün zərərləri


Bu problemi necə aradan qaldırmaq olar?

isti-dosemenin-insan-ucun-zererleri
08.01.2021 09:28 1 dəq oxuma

Hazırda bir çox insanlar evində isti döşəmənin olmasını istəyir. Lakin yerdən isitmə ev sahibi və ailə üzvləri üçün ciddi təhlükə yarada bilər.

İsti döşəmə radiasiya ilə yanaşı karbon dioksidin mənbəyidir. Belə ki, isti olan döşəmənin alt hissəsində karbon dioksid yığılır. Bu, isti zəminin istifadəsi səbəbindən evin atmosferində əhəmiyyətli dərəcədə sürətlənən təbii proseslər nəticəsində baş verir. Problemi yalnız aktiv ventilyasiya quraşdırılaraq həll edilə bilər. Bunu bina evlərində etmək çətin olsa da, həyət evlərində tənzimləmək mümkündür.

İsti döşəmə evdəki havanı da çox qurudur. Nəm alma dərəcələri o qədər yüksək olur ki, yaxşı havalandırma belə problemi həll edə bilmir. Bu mənfi təsiri aradan qaldırmaq üçün nəmləndiricilərin istifadəsi mütləqdir.

Evdə isti döşəmə bəzən ayaqlara da ziyan verir. Çox vaxt bu, temperatur rejiminin pozulması səbəbindən yaranır. Hətta döşəmənin quraşdırılması mərhələsində edilən səhv və ya sakinlərin özlərinin məlumatsızlığı ucbatından problem yaranır. Qeyd edək ki, isti döşəmə qış aylarında 30 dərəcə temperaturda saxlanılmalıdır.

Report.az / TurpKimi.com

loading...