Kişilər niyə sevişmək istəmir? - Psixoloji səbəblər

Münasibətlərin başlanğıcında sevgilinizlə yataqda çox vaxt keçirdiyiniz üçün bunu düzəltməyə ehtiyac duymaya bilərsiniz. Amma aradan aylar, illər keçdikcə artan yaxınlıq nəticəsində hormonların səviyyəsində yaşanan enmə təbii olaraq cinsi münasibətlərdə daha az əhəmiyyət daşımağa başlayacaq. Bu həyatınızdan tamamilə çıxacağı və sizin heç vaxt birlikdə olmayacağınız mənasına gəlmir.

TurpKimi.com cinsi əlaqənin azalmasına səbəb olan və ən çox rast gəlinən səbəbləri məsləhətləri ilə birlikdə təqdim edir:

1 – Stress

Yorğun, tükənmiş və ya stresli vaxtlarda kişilərin cinsi istəklərində azalma yaşana bilər. Əgər sevgiliniz ağır bir dövr keçirirsə, ailəvi bir problem yaşayırsa, cinsi əlaqə ağlının ucundan belə keçmir.

Necə davranmalısınız?

Yaşadığı stresin onun cinsi münasibətlərinə təsir etdiyini ona bildirməyin. Çünki yaşadıqları ilə yanaşı sizi xoşbəxt edə bilmədiyini görmək özünü daha da pis hiss etməsinə səbəb olacaq. Həmin vaxtlarda anlayışlı olun, boynunu masaj edin və ya evə gəldiyi zaman sakitləşdirici musiqi ilə dincəlməsinə şərait yaradın. Bu şəkildə onun diqqətini üzərinizə çəkə bilərsiniz.

2 – Sizə hirslidir?

Kişilər hirsli olduqları zaman qışqırmaqla yanaşı, səssizcə özlərinə də qapanarlar. Bu eyni zamanda cinsi münasibətdən də özlərini uzaqlaşdırma deməkdir. Hirs, qəzəb aranızdakı alovu söndürə bilər.

Necə davranmalısınız?

Əgər onu hirsləndirəcək nəsə etmisinizsə, belə olan halda onunla sevgili olun, həyatınızda yeri olduğunu ona hiss etdirin. Bir kişini ağıldan çıxartmağın, buzlarını əritməyin ən asan yolu arzulandığını hiss etdirməkdir.

3 – Bağlanmaqdan qorxur!

Bəlkə birlikdə yaşamaqdan və ya gələcəklə bağlı planlarınızdan danışmısınız? Bunun kimi mövzular qadına möhkəm bağlı olan kişini belə həyəcanlandırır. Cinsi münasibət kişilərin yaxınlıq, bağlılıq hissinə toxunar, münasibətlərinə qərar verildiyi zaman fikirlərini cəmləmək üçün özünü sizdən uzaqlaşdırar.

Necə davranmalısınız?

Bu kimi mövzuları mümkün olduğu qədər sonraya saxlayın. Bunlara toxunmaq onun daha da hürkməsinə səbəb olacaq. Ən gözəli gələcəklə bağlı fikirlərinizi ona çatdırmaq üçün dostunuzla danışarkən onun eşidə biləcəyi tərzdə bu münasibətlərdə tələsmədiyinizi dilə gətirin. Bundan sonra beynindəki həyəcan siqnalı sönmüş olacaq və sizə yenidən yaxınlaşacaq.

4 – Yataqdan özünə əmin deyil!

Son zamanlar içdiyi içkilərin performansına təsir etmiş olması və ya sizin yataqda zövq aldığınızı görməməsi özünə olan güvənini sarsıda bilər. Cinsi münasibət bir kişinin özünü kişi kimi hiss etməsini təmin edən ən vacib ünsürdür. Sizi xoşbəxt etmədiyini düşündüyü zaman özünü əksik hiss etməsinə səbəb olacaq. Nəticədə uğursuzluq qorxusu onun sizə yaxınlaşmasının qarşısını ala bilər.

Necə davranmalısınız?

Yataq otağından başqa yerdə qalan bütün məsələlər, münasibətlər yolundadırsa, performans qorxusu yaşadığını anlaya bilərsiniz. Odur ki, ona yataqda fərqli davrandığını dilinizə gətirməyin. Bunun yerinə yataqda sizə etdiyi və sizi başdan çıxardığı şeyləri söz arasında ona bildirin. Sizi xoşbəxt etdiyini eşitmək onun hormanlarını canlandıracaq.

Firuzə Alimova / TurpKimi.com