Kraxmalın istifadə sahələri - İndiyə kimi bilmirdiz

Kartof nişastasından nənə və analarımız yataq dəstlərini, mələfələri və örtükləri, pərdələri, ağ köynəkləri,  hətta həkimlərin xələtlərinin şux durması üçün istifadə edirdilər. İndi də bu üsuldan istifadə edənlər az deyil. Hətta bəzi ailələr var ki, kraxmalsız yataq örtüklərində və mələfələrdə yata bilmir.

Sən demə,  bu kraxmalın bilmədiyimiz başqa yerlərdə istifadə qaydaları vardır və saymaqla bitmir.

Hə, yaddan çıxmamış onu da bildirim ki, biz elə bilirdik ki, təkcə kraxmal kartofdan olurmuş. Qarğıdalının, buğdanın da nişastası var. Şirniyyatların hazırlanmasında geniş istifadə edilir. Bunu artıq bilməyən yoxdur.

Beləliklə, TurpKimi.com nişastanın istifadə sahələrindən yazır.

1. Bir litr suya 2 çay qaşığı kraxmal tökün və gümüş qaşıqlarınızı suya qoyun. Bir müddət sonra qaşıqları sudan çıxarın və adi qaydada yuyun. Bu vasitə ilə bütün gümüş əşyaları təmizləmək olur.

2. Xalçanızda olan yağ ləkəsinin üzərini isladın və oraya kraxmal səpin, 15 dəqiqə sonra təmizlədikdə ləkənin necə getdiyini görəcəksiniz.

3. Yanan nahiyəyə kraxmal səpdikdə və ya bişirib qoyduqda yanğı hissi aradan qalxır.

4. Paltarlarınızı kraxmallamamısınızsa, o zaman ütünün su qabına su ilə 1 xörək qaşığı kraxmalın qarışığını tökün və paltarlarınızı ütüləyin.

5. Ayaqqabılarınız  iylənirsə, yatmazdan əvvəl kraxmal səpin.

6. Dəri kreslo və divana yağ ləkəsi düşübsə, oranı pambıq parçaya isladılmış kraxmallı su ilə silin.

7. Kitablarınızı yığdığınız yer nəmdirsə, o zaman həmin yerə kraxmal səpin, kağız qoyub kitablarınızı yığın.

8. Mebeli təmizləmək üçün isti suya az miqdarda kraxmal qatın.

9. Xəritə qoyduğunuz yerə az miqdarda kraxmal səpsəniz xəritə nəmişlikdən korlanmaz.

10.Şüşələri silərkən suya bir az kraxmal qatsanız sildikdən sonra necə parıldadığını görəcəksiniz.

11. Kraxmallı suya çiçəklərin efir yağından əlavə edib sakitləşdirici vasitə kimi qəbul edə bilərsiniz. Bu qızılgül, lavanda və s.digər güllərin yağı ola bilər.

12. İtinizin tükü yumşaq olsun deyə onun üstünə kraxmal tozu səpin və sonra təmizləyin.

13. Evdə istifadə olunmayan oyuncaqların üzərinə zəif kraxmal səpin. Bu zaman onlar tozu özlərinə çəkməyəcəklər.

14. Həssas dəriyə malik uşaqlarda səpmələr olan zaman onların həmin nahiyələrinə kraxmal səpsəniz faydasının bişməcə əleyhinə vasitələrdən daha yaxşı olduğunu görəcəksiniz.

15. Əgər sizin qoltuq altı nahiyəniz iylənirsə, bu zaman həmin hissəni palıd dəmləməsi ilə yuyub qurulayın və oraya kraxmal sürtün.

16. Kraxmaldan mətbəxdə sous hazırlayan zaman istifadə edildikdə sousun suyu daha mətli olur.

17. Kraxmalı biskvit bişirərkən 1 qaşıq unun yerinə əlavə etdikdə biskvit daha dadlı və yumşaq olur.

18. Qayğanaq bişirərkən yumurtalara bir miqdar kraxmal qatdıqda qayğanaq daha da dadlı olur.

19. Əgər evinizin döşəməsi cırıldayırsa, o zaman cırıldayan hissəyə kraxmal səpin.

20. Ev şəraitində kraxmalla müxtəlif rənglər hazırlaya bilərsiniz. Bunun üçün 1-2 xörək qaşığı kraxmal götürün, üstünə 2 qat artıq su əlavə edin. Qarışıma şirniyyatlarda istifadə edilən rənglərin birindən əlavə edin və bişirin. Soyuduqda necə gözəl rəng alındığını görəcəksiniz.

21. Tükçıxmazları kraxmallı suya salıb yuyun və quruduqdan sonra tük yastıqları hazırlayın. Beləcə tükçıxmazlar daha qart olacaq və tük yastıqlardan çıxmayacaq. 

Vüsalə Əlövsətqızı, TurpKimi.com