Maskanı düzgün taxmamağın təhlükəli nəticəsi açıqlandı

Bu barədə Moskva poliklinikasının baş həkimi Denis Serov bildirib.

Onun sözlərinə görə, maska üzə möhkəm yapışmayanda tənəffüs prosesində çıxan hava əsasən yuxarıdan çıxır və göz yaşı plyonkasının vaxtından əvvəl buxarlanmasına səbəb olur.

“Bu vəziyyət, bir qayda olaraq, narahatlıq şəklində hiss olunur və bir çox hallarda görmə kəskinliyinin azalmasına və hətta korneanın (gözün şəffaf təbəqəsinin) zədələnməsinə səbəb ola bilər”, - mütəxəssis vurğulayıb.

O, birdəfəlik maskanı ​​iki-üç saatdan çox olmamaq şərtilə üzə yaxşı oturdulmuş formada geyməyin zəruri olduğunu qeyd edib. Gözdə problem yarandıqda həkim təbii göz damcılarına əsaslanan nəmləndirici damcılardan istifadəni tövsiyə edib, görmə qabiliyyətinin getdikcə pisləşməsi halında isə təcili olaraq ixtisaslaşmış yardıma müraciət etməyin zəruri olduğunu bildirib. (Report)