Milad kartında yazılan mesaj dünyanı bir-birinə vurdu - Satış dayandı


İngilis Sky News televiziyasının yaydığı xəbərə görə, Londonun cənubundakı "Tooting" sahəsində  yaşayan Florens (Florence Widdicombe) pərakəndə satışdan aldığı  Milad kartlarından birinin əvvəlcədən yazılmış olduğunu görüb. 

milad-kartinda-yazilan-mesaj-dunyani-bir-birine-vurdu
23.12.2019 17:48 1 dəq oxuma

TurpKimi.com xəbər verir ki,  kartda "Biz Çində Şanxay Qingbu həbsxanasındakı xarici məhkumlarıq. İradəmizdən asılı olmayaraq işləməyə məcbur edilirik. Lütfən bizə kömək edin və insan haqları təşkilatlarına xəbərdarlığımızı çatdırın"  mesajı yazılıb. 

Kartda daha əvvəl bu həbsxanada 2 il cəza çəkmiş  ingilis jurnalist Peter Hamfreylə əlaqə saxlamaq haqda  bildirilib.  

Florensin ailəsi jurnalistlə əlaqə saxladıqdan sonra mesajın doğruluğuna inanıb. 

Kartların satışı dayandırılıb

Milad kartlarının İngiltərəyə pərakəndə satış üçün Şanxay Qingbu həbsxanasına 100 kilometr məsafədə yerləşən Zheijiang Yunguang mətbəəsində çap edildiyi məlum olub. Mətbəə bütün satışları dayandırıb. 

Firma hadisənin təsdiqlənərsə mətbəəni istehsal siyahısından çıxaracağını da bildirib.

Kartda adı  çəkilən  jurnalist Hamfrey  (Humphrey) "Sunday Times" qəzeti üçün verdiyi açıqlamada bildirib ki,  2 il əvvəl günahsız olduğu halda şərlənərək həbs edildiyi vaxtda  digər xarici məhbuslarla bərabər mətbəələrdə zorla işlədilirmiş,  hətta Milad paltarlarının tikilməsindən tutumuş  qablaşdırılmasına qədər prosesdə məcburən əməyi keçib. 

2017-ci ildə İngiltərədə  olan pərakəndə satışdan  alınan bir Milad kartında "Sizə şans və xoşbəxtlik diləyirik. Üçüncü Məhsul Dükanı, Quançou Həbsxanası, Bölmə  6" mesajı tapılıb. 

2014-cü ildə mağazadan alınan şalvardan isə Çincə bir qeydin içində həbsxana şəxsiyyət vəsiqəsi çıxmışdı. "SOS" ilə başlayan qeyddə Çindəki Xianqnan Həbsxanasındakı məhkumların gündə 15 saat geyim istehsalında işlədildiyini iddia edən ifadələr yazılıb. 

Vüsalə Əlövsətqızı, TurpKimi.com

loading...