Necə edəsiniz ki, dırnaqlarınız gözəl görsənsin - Lak çəkməyin incəlikləri

TurpKimi.com lak çəkməyin bəzi incəliklərindən yazacaq.

-Tünd rəngli lak mat görünməsin deyə, qırmızı, ya da tünd rəng lakı dırnağa çəkməzdən əvvəl mütləq bir qat parladıcı sürtməlisiniz.

-Daha çox rəngli laklarda yaşanan problemlərdən biri də lakın dırnaq kənarlarına axmasıdır. Qulaq təmizləmə çubuğun az miqdarda asetona batıraraq kənarlara bulaşan laklardan xilas ola bilərsiniz.

-Lakı dırnağınıza çəkmə şəklinə də fikir verməlisiniz. Bunun üçün lakı əvvəl dırnağınızın tam ortasına sürtməli,  daha sonra sağ və sol kənarlara çəkməlisiniz.

-Dəri rənginiz də lak seçimində əhəmiyyətlidir. Qış aylarında sürtdüyünüz mat laklar yaz aylarında bürünc rənginizə çox da uyğun olmaya bilər.

-Lak sürtməyə başladıqda fırçanı yüngülcə laka batırmalı və incə bir lay kimi iki dəfə çəkməlisiz.  Beləcə həm dırnağınızın üzərində qalın bir lay yaranmaz, həm də lakınız daha tez quruyar.

Vüsalə Əlövsətqızı, TurpKimi.com

Yazılıb: 30-03-2021