Niyə qadınlar kişilərdən daha çox yatmalıdır?

“Qadınların yuxuya daha çox ehtiyacı var, çünki onların depressiya riski yüksəkdir”.

TurpKimi.com “Moika78”ə istinadla bildirir ki, bunu yuxu üzrə mütəxəssis Dr. Vendi Troksel vurğulayıb. Onun sözlərinə görə, qadınlar 11-13 dəqiqə daha çox yatmalıdırlar.

Həkim sağlam yuxunun qadınların psixi və fiziki sağlamlığı üçün əsas rol oynadığını izah edib. Qadınların yuxusuzluqla qarşılaşma ehtimalı daha çoxdur, buna görə də keyfiyyətli yuxu onlar üçün həyati əhəmiyyət kəsb edir.

“Keyfiyyətli yuxu qadının beyninin sağlam olması, münasibətlərinin ahəngdar olması, fiziki sağlamlığının pozulmaması üçün vacibdir. Məsələn, keyfiyyətli yuxu ürəyin sağlamlığına müsbət təsir göstərir”, - deyə həkim bildirib.

Troksel əlavə edib ki, qadınlar xüsusilə hamiləlik, menopoz və menstruasiya zamanı yuxunu poza biləcək hormonal dəyişikliklərə məruz qalırlar. Həkim gündə ən azı 7-7,5 saat yatmağı tövsiyə edir, lakin bu, yuxunun keyfiyyətindən asılıdır. Yuxu pozulursa və ya narahatlıqla müşayiət olunarsa, onun bərpası daha uzun çəkə bilər.

Firuzə Alimova / TURPKİMİ.COM