Növbələrdə insanlar arasında bu qədər məsafə saxlayın


Alış-veriş mərkəzlərində növbələrdə insanlar arasında məsafəyə dair məhdudiyyət olacaq

novbelerde-insanlar-arasinda-bu-qeder-mesafe-saxlayin
15.03.2020 21:03 1 dəq oxuma

Koronavirus təhlükəsi ilə əlaqədar Azərbaycanda bir ay müddətində alış-veriş mərkəzlərində kassa qarşısında və ya digər yerlərdə növbələr vətəndaşlar arasında iki metrlik məsafə saxlanılmaqla təşkil edilməlidir.

Bu, koronavirus infeksiyası (COVİD-19) ilə mübarizə sahəsində alış-veriş mərkəzlərinin fəaliyyətinə dair Nazirlər Kabineti yanında operativ qərargahın müəyyən etdiyi qaydalarda öz əksini tapıb.

Eyni zamanda, alış-veriş mərkəzlərində xidmət göstərən personalı xüsusi geyim vasitələri ilə təmin edilməli, xəstə olan əməkdaşların əmək fəaliyyətinin müvəqqəti məhdudlaşdırılmalıdır.
Qeyd edək ki, koronavirus infeksiyası (COVID-19) ilə mübarizə sahəsində alış-veriş mərkəzlərinin fəaliyyətinə dair qaydalar açıqlanıb. Operativ Qərargah tərəfindən bir ay müddətində kütləvi tədbirlərin təxirə salınması qərara alınıb və 14 mart 2020-ci il saat 00:00-dan etibarən ölkə ərazisində bəzi sosial izolyasiya tədbirlərinin tətbiqi nəzərdə tutulub. Həmin tədbirlərdə ölkə üzrə fəaliyyət göstərən alış-veriş mərkəzlərinin fəaliyyətinin müvafiq qaydalara riayət olunaraq həyata keçiriləcəyi qeyd edilir.

TurpKimi.com

loading...