Otaqdakı quru hava daha tez xəstələnməyimizə səbəb olur

Mənzildə quru hava dərinin və selikli qişaların vəziyyətinə pis təsir göstərir.

TurpKimi.com xəbər verir ki, bunu tibb elmləri namizədi Andrey Kondraxin “Moskva 24”ə bildirib. Onun sözlərinə görə, havaların isindiyi vaxt da saçın vəziyyətinə pis təsir edə bilər.

“Quru hava səbəbindən insanın dərisi, selikli qişalar və saçı da quruluq yaşayır. Quru havanı ağciyərlərimizdə nəmləndirmək üçün çox enerji sərf edirik ki, bu da ağır nəfəs almağımıza səbəb olur”, - deyə həkim izah edib.

Terapevt qeyd edib ki, selikli qişaların quruması nəticəsində orqanizm infeksiyalara daha çox həssas olur. Həmçinin, aşağı rütubət və yüksək temperatur səbəbindən tozun artdığı görünür. Toz selikli qişaya çökür, bu da qabıqların əmələ gəlməsinə və tənəffüs çətinliyinə səbəb olur. Bunun qarşısını almaq üçün havanı nəmləndirmək və ən azı saatda bir dəfə pəncərəni bir neçə dəqiqə açıq saxlamaq lazımdır.

Hər hansı bir nəmləndirici, bir qabda su və ya üç litrlik bankadakı su kifayət edir. Belə ki, mayenin yavaş-yavaş buxarlanması üçün su olan qabı radiatorun yaxınlığına qoyun. Və ya sprey şüşəsi ilə havanı nəmləndirə bilərsiniz. Kondraxin əlavə edib ki, mağazalarda satılan xüsusi nəmləndiricilərdən də istifadə etmək olar.

Həkim fikirlərini yekunlaşdırarkən, qeyd edib ki, evdə müntəzəm olaraq tozlar silinməli və ya həftədə bir dəfə ümumi təmizlik edilməlidir.  

Firuzə Alimova / TURPKİMİ.COM