Plastik doğrama taxtalarındakı hissəciklər qidalara keçir

“Plastik səthlərdə kəsilmiş kabablıq qoyun, mal əti və xəmir kimi qidalarla bağlı aparılan araşdırmada 100 qram kababda orta hesabla 52, qoun ətində 470, xəmirdə 830 mikroplastik hissəcik aşkarlanıb”.

TurpKimi.comTürkiyə KİV-nə istinadla xəbər verir ki, bu açıqlamanı xidmətə hazır məhsullarda mikroplastiklərin olub-olmaması ilə bağlı araşdırma edən İstanbul Universitetinin Dos. Dr. Oya Özuluğ verib.

"Urfa kababının 100 qramında orta hesabla 52, qoyun ətində 470, xəmirdə isə 830 mikroplastik zərrəciyə rast gəldik. Xəmirdə tikələrin sayı çox olsa da, parçaların ölçüsünə millimetrik olaraq baxsaq, qoyun ətindən az olduğunu söyləyə bilərik.

Əgər müəssisələr xalqa daha sağlam məhsul təqdim etmək istəyirlərsə, daha sağlam və daha təbii materiallara müraciət edə bilərlər. Bu ağac, bambuk və ya şüşə material ola bilər", - deyə araşdırmaçı alim qeyd edib.

Firuzə Alimova / TurpKimi.com