Prezidentin öskürməsi dövlət işçilərini evdən işləməyə məcbur etdi 

"Bloomberg"in xəbərinə görə, Cakartanın müvəqqəti qubernatoru Heru Budu Hartononun göstərişi ilə dövlət işçiləri  şəhərdəki hava kirliliyinin qarşısını almaq üçün evdən işləyəcək.

TurpKimi.com xəbər verir ki, işçilərin yarısı, bu gündən etibarən 2 ay, 25 faizi isə sentyabrdan  oktyabrın 21-nə qədər işlərini evdən görəcək.

İşçilərin bu qanundan sui istifadə etməməsi üçün sərt tədbirlər görüləcək. 

Bu qərarın verilmə səbəbi İndoneziyanın dövlət başçısı Joko Vidodonun son həftələrdə öskürək krizi keçirməsidir.Paytaxtdakı hava kirliliyi çox olduğundan bronxlarda problem yaranır. 

Dövlət nümayəndələri  paytaxtı ağuşuna alan çirkli havanın sentyabrın 5-7-də keçirilən  Cənub-Şərqi Asiya Ölkələri Assosiasiyasının zirvə görüşünə  kölgə salmasından narahatdır.
Hökumət ətraf mühit kirliliyi  vergisi almağı və fabriklərdə yoxlamalara başlamağı planlaşdırır.
10 milyon əhalisi olan paytaxt Cakarta havanın keyfiyyətini ölçən  IQAir şirkəti tərəfindən hava kirliliyi ən yüksək olan şəhər seçilib. 

Vüsalə Əlövsət qızı, TurpKimi.com