Qadınlarda dəmir çatışmazlığının qeyri-adi əlaməti açıqlanıb

Dadbilmənin pozulması, udma çətinliyi və dil ağrısı (və ya göynəmə) qadınlarda dəmir çatışmazlığının aşkar əlamətləri ola bilər.

TurpKimi.com xəbər verir ki, bu barədə “Daily Mail”ə London Tibb Laboratoriyasından britaniyalı həkimi Avinaş Hari Narayanan məlumat verib.

Həkim izah edib ki, dəmir çatışmazlığı bədəndə qırmızı qan hüceyrələrinin sayının azalmasına səbəb olan bir vəziyyətdir. Eritrositlər (qırmızı qan hüceyrələri) hemoqlobini nəql edir, toxuma və orqanların metabolik proseslərindən məsuldur. Bədəndə dəmir ehtiyatlarının tükənməsi sağlamlığın pisləşməsinə səbəb olur və həmçinin ürək xəstəlikləri, ağır infeksiyalar və böyrək çatışmazlığı riskini artırır.

Narayananın sözlərinə görə, qadınlar kişilərdən iki dəfə çox dəmir çatışmazlığı anemiyasından əziyyət çəkirlər. Bu zaman birincidə klassiklərdən fərqlənən patologiya əlamətləri (zəiflik, solğunluq, sürətli ürək döyüntüsü, tinnitus, saç tökülməsi, ağızda xoralar, nəfəs darlığı) müşahidə oluna bilər. Həkim aydınlaşdırıb ki, qadınlarda dəmir çatışmazlığı udma çətinliyi və dilin ağrısı (yaxud göynəməsi), dadın dəyişməsi ilə də özünü göstərə bilər.

Qeyd olunur ki, gənc və hamilə qadınlar vəziyyətləri ilə bağlı dəyişikliklərə daha çox diqqət yetirməlidirlər. Çünki onlar dəmir çatışmazlığı anemiyasının inkişafı riski  ilə üz-üzədirlər.

Firuzə Alimova / TURPKİMi.COM