Marketlərdə satılan fındıq əzmələrində qatqı maddələri və çox miqdarda şəkər var.
Ev şəraitində bu dadlı məzəni hazırlayaraq həm övladlarınızı sevindirə bilərsiz, həm də sağlamlığınızın qeydinə qala bilərsiniz.
Bunun üçün içi dolu olan fındıqları seçmək lazımdır. Fındığı mütləq azca qovurun.
Lazım olanlar:
2 su stəkanı fındıq (qovrulmuş və qabıqları soyulmuş)
2 yemək qaşığı bal və ya təbii dadlandırıcı (istəyə görə)
1 çay qaşığı zeytun yağı, Hind qozu yağı və ya fındıq yağı (konsistensiya üçün, istəyə görə)
Bir çimdik duz (ləzzəti nizamlamaq üçün, istəyə görə)
Hazırlanması:
1. Fındıqları qovurun
Əgər çiy fındıq istifadə edirsinizsə, 180 dərəcədə, əvvəlcədən isidilmiş sobada 10-15 dəqiqəyə qədər qovurun.
Qovrulmuş fındıqları təmiz mətbəx dəsmalının arasına töküb ovaraq qabıqlarını soya bilərsiniz.
Qovurma prosesi fındığın içindəki yağın üzə çıxmasını asanlaşdırar və əzmənin daha axıcı olmasını təmin edər.
2. Fındıqları blenderdən keçirdin
Fındıqları güclü mətbəx robotuna və ya blenderə qoyun və çəkməyə başlayın. İlk əvvəl un kimi olacaq, daha sonra
çəkməyə davam etdikcə fındıq yağı ortaya çıxacaq və krem halına gələcək.
İpucu: Əgər qarışıq çox quru qalsa, 1 çay qaşığı təbii yağ (Hind qozu yağı, fındıq yağı və ya zeytun yağı) əlavə edərək yumşalda bilərsiniz.
3. Dadlandırıcı və duz əlavə edin (zövqə görə)
Bal, xurma püresi və ya ağcaqayın siropu əlavə edərək dadlandıra bilərsiniz.
Əgər şəkərsiz bir fındıq əzməsi istəyirsinizsə, şirin heç nə əlavə etməyin.
4. Fındıq əzməsini şüşə qabda saxlayın.
Hazırladığınız fındıq əzməsini şüşə bir qaba tökün.
Soyuducuda saxladıqda təxminən 3-4 həftə təravətini qoruyar.
Əgər çöldə saxlasanız, 1 həftə içində istehlak etməlisiz.
İpucu: Təbii fındıq əzməsində yağ üzə çıxır. Ona görə də istifadə etməzdən əvvəl qarışdırın.
Naharlarda çörəyə sürtərək istehlak edə bilərsiniz.
Kokteyl və ya qatıqla qarışdıraraq sağlam ara pay hazırlaya bilərsiniz.
Keks, peçenye və şirnilərdə təbii plomb kimi istifadə edə bilərsiniz.
Süd və ya bitki mənşəli süd ilə qarışdırıb fındıq əzməli içkilər hazırlaya bilərsiniz.
Vüsalə Əlövsətqızı, TurpKimi.com