Rahat yatmağınız üçün bu rənglərdən istifadə edin

Rənglərin insan psixologiyası üzərindəki təsiri hər kəsə məlumdur. Yataq otağının dizaynında istifadə olunan rənglər isə insanın yuxusuna əhəmiyyətli dərəcədə təsir edir. Bəs o zaman yataq otağında gözəl atmosfer yaratmaq üçün hansı rənglərdən istifadə etməliyik?

TurpKimi.com otaq dekorasiyasında  insana xoş təsir bağışlayan rənglərdən bəhs edəcək. 

Mavinin sakitləşdirici təsiri...

Rahatladıcı xüsusiyyəti ilə insanı sakitləşdirən və sinirlərə müsbət təsir edən mavi rəng sizi tez bir zamanda yuxuya aparacaq. Ürəyin ritmlərini və nəfəsalmanı yavaşladan rəng gecələri bədənin temperaturunu tarazlamaqda kömək edir. Müsbət aura yaradan və insan psixologiyasına xoş təsir edən mavi yataq otağının dekorasiyasında vazkeçilməz rəngdir.

Özünüzü yaşıl rəngin hüzuruna buraxın...

Dinləndirici təsiri ilə yoröunluğu götürən və insana hüzur gətirən yaşıl rəng yataq otaqlarının dekorasiyasında ən çox seçilən rənglər arasındadır. Təbiət təsiri bağışlayan yaşıl rəng təmiz və enerjili havasını yataq otağında da hiss etdirir. Rahat və səmimi mühit yaradaraq insanların yataq otağında özlərini daha yaxşı hiss etmələrinə kömək edir.

Çəhrayı ilə günə xoşbəxt başlayın...

Müsbət düşüncələrin yaranmasına təsir edən çəhrayı rəng insanı gündəlik həyatın stresindən uzaqlaşdıraraq rahat şəkildə yuxuya getməsini təmin edir. Xüsusilə də qadınlar tərəfindən sevilərək istifadə olunan çəhrayı rəng yataq otaqlarında yumuşaq və sevimli görünüş yaradır. Çəhrayı rəngin üstünlük təşkil etdiyi otaqlarda insanlar günə xoşbəxt oyanırlar.

Firuzə Alimova, TurpKimi.com