Saçı seyrək olanlar mütləq oxusun - Saçı uzadan və gurlaşdıran maska reseptləri

Siz də saçlarınızın incəlməsindən və gec uzanmasından şikayət edirsinizsə təklif edəcəyimiz maskalardan könül rahatlığı ilə istifadə edə bilərsiniz.  

TurpKimi.com ev şəraitində hazırlanmış təbii vasitələrdən hazırlanmış,  saçları uzadan və gücləndirən, gurlaşdıran maska reseptlərini təqdim edir:

Hindqozu yağı 

Hindqozu yağını birbaşa  tətbiq etmək zədələnmiş saçları qoruyur. Saçların uzanması üçün  lazım olan zülal və ya amin turşusu itkisini azaldır, sərt kimyəvi maddələr  ehtiva edən məhsulların yan təsirlərindən qoruyur.
Saç dərinizə bir neçə yemək qaşığı hindqozu yağı ilə masaj edin və bir saat sonra yuyun.

Amla – Hind motmutu

Türkiyədə Bektaşi üzümü, Azərbaycanda motmutu,  beynəlxalq dildə amla  adlandırılır. Amla  Hindistanda saç tökülməsində istifadə edilən məşhur dərmandır. Folekullardakı dermal papilla hüceyrələrini xəbərdar edərək saç böyüməsini sürətləndirir.

Eyni zamanda saçın təbii böyümə dövrünün aktiv  mərhələsini də uzadır. Amla yağını ovucunuzun içi ilə saçlarınızı masaj edərək tətbiq edin və bir saat sonra yuyun.

Soğan suyu 

Soğan suyu fitokimyəvi birləşmələrlə zəngin olduğuna görə, saçqıranı belə müalicə edə bilər. Suyunu çıxartmaq üçün yarım soğanı əzib süzün və baş dərisinə tətbiq edin. Qoxudan xilas olmaq üçün bol şampunla yuyun. Bunu həftədə iki dəfə edin.

Çəmən otu

Bu az istifadə edilən komponent bioaktiv  birləşmələrlə zəngin olduğuna görə saçları parladır.  Ancaq soya paxlası, yer fındığı və ya yaşıl göy noxud kimi paxlalılara allergiyanız varsa,  çəmən otu toxumlarına da allergiyanızın olacağını bilməlisiz. 

Toxumların dörddə birini bir gecə suda saxlayın. Daha sonra onları bir məcun halına gətirin və 30 dəqiqə boyu saç maskası kimi tətbiq edin, yalnız su ilə durulayın.

Qatıq 

Qatığın əsas komponentləri   böyüməyi sürətləndirən və ziyanı azalda bilən probiotiklərdir. Qatığın saçın keyfiyyətini artırdığı təcrübələrdə sübuta yetirilib. 

Saç sağlamlığınızı inkişaf etdirmək üçün hər gün qatıq yeməyiniz kifayətdir. 

Yaşıl çay 

Üz, gözaltı maskalarda yaşıl çay paketləri uzun illərdir təbii gözəllik xilasedicisi kimi işlədilir. Yaşıl çay  antioksidantlar və polifenollarla zəngindir. Çaydakı bioaktiv birləşmələr saç tökülməsini belə azalda bilər. Faydalarından yararlanmaq  üçün gündə bir neçə stəkan içə bilərsiniz.

Bibəriyə yağı - Rozmarin

Uçucu yağlar saçlarını istədikləri kimi uzatmaqda çətinlik çəkənlər üçün məşhur vasitədir. Bibəriyə yağı  böyüyən və androgenetik alopesinin müalicəsi üçün ən əhəmiyyətli esansial yağlardan biridir.

Dərinizi qorumaq üçün bir neçə damla bibəriyə yağını başqa bir yağla qarışdırın, durulamazdan əvvəl saç dərisinə və saça masaj edin. Əsas komponent olaraq bibəriyə yağı ehtiva edən şampunlar və saç kremləri də ala bilərsiniz.

Balıq yağı 

Maye və ya kapsula formada balıq yağı istehlak etmək saçı uzadır. Balıq yağı  DHA və ya dokosaheksaenoik adlı qiymətli turşu ilə zəngindir. Saç dərisindəki dermal papilla hüceyrələrini çoxaldır, bu da saç tökülməsini önləyir və keçəlliklə əlaqədar problemləri həll edir.

Qəhvə 

Çoxları  bir fincan qəhvənin saç problemlərini həll edə biləcəyini bilmir. Kafein saçların uzanmasına kömək olur və saç böyüməsinin aktiv  mərhələsini uzadır. Bu da keçəllik və ya saç incəlməsini azaldır. Gündə bir fincan qəhvə içməklə bu problemdən xilas ola bilərsiniz. 

Yumurta 

Yumurta sarısı maskası saç problemlərini həll edir. Yumurta saçları həm yaxşılaşdıran, həm də bəsləyən, onları mümkün olduqca güclü edən yüksək miqdarda lesitin və zülal ehtiva edər.  Kəpəyə qarşı mübarizədə kömək edən yüksək miqdarda kükürdlə də zəngindir.

İki yumurtanı iki yemək qaşığı zeytun yağı ilə qarışdırın. Yapışqanlığı azaltması üçün yarım stəkan su ilə yüngülləşdirin. Daranmış quru saça tətbiq edin və şampunlamazdan əvvəl 30 dəqiqə gözləyin.

Vüsalə Əlövsətqızı, TurpKimi.com

09-05-2021