Sağlamlıq üçün zərərli olan iki mürəbbənin adı açıqlanıb

“Ərik və çiyələk mürəbbəsi sağlamlıq üçün təhlükəlidir”.

TurpKimi.com xəbər verir ki, bunu diyetoloq Yevgeni Arzamastsev “Moskva 24” telekanalına müsahibəsində bildirib.

Onun sözlərinə görə, bu məhsullar tərkibində şəkərin həddən artıq yüksək olması səbəbindən orqanizm üçün təhlükə yaradır.

Mütəxəssisin dediyi kimi, şəkər istənilən mürəbbənin tərkibində çoxlu miqdarda olur. Lakin bəzi meyvə və giləmeyvələr mürəbbəni daha da şirin edir ki, bu da orqanizm üçün faydalı deyil.

“Məsələn, ərikdə çoxlu şəkər var. Ərik mürəbbəsi çox zərərli olacaq, çünki məhsulun özündə şəkər var. Əgər insan hər gün səhər və axşam belə şirin mürəbbədən istifadə edərsə, o zaman şəkərin çox olması səbəbindən çəki artımı və karbohidrat mübadiləsinin pozulması riski var", - deyə həkim izah edib.

Firuzə Alimova / TurpKimi.com