Sarıkökün bilmədiyiniz faydaları - Ağardıcı, arıqladıcı...

TurpKimi.com sarıkökdən istifadə edə biləcəyiniz reseptləri təqdim edir. 
 
Sarıkök yeməyə dad verməklə yanaşı bir çox xəstəliklərin müalicəsində də istifadə edilir.  
 
İmmunitet sistemini gücləndirir

1/3 stəkan sarıkök ilə 2/3 stəkan suyu qarışdırıb bir qazanda 10 dəqiqə ərzində qızdırın. Qarışığı sterilləşdirilmiş bir bankanın içində soyuducuda saxlayın. Bu qarışıqdan 1-2 çay qaşığı südə əlavə edin. Gündə bir dəfə, əgər xəstəsinizsə 3-4 saatdan bir için. 
 
 Dişləri ağardır
 

Diş fırçasını günəbaxan və ya zeytun yağına batırdıqdan sonra sarıkökə batırın. 3 dəqiqə ərzində dişlərinizi təmizləyin. Həftədə 2-3 dəfə təkrar edin.
 
Arıqladır

 1 stəkan süd ilə 1/3 çay qaşığı sarıkökü qarışdırıb için. Bu içki  metabolizmanı sürətləndirəcək, toxluq hissi yaradacaq. Səhər və axşam hər gün içə bilərsiniz. 

 
Boğaz ağrısına yaxşı təsir edir

1/2 çay qaşığı sarıkök ilə 1/2 çay qaşığı duzu, bir stəkan isti suya əlavə edib qarqara edin. Gündə 3 dəfə təkrar edin.
 
Oynaq ağrılarına yaxşı təsir edir

1 çay qaşığı sarıkökü 1 çay qaşığı bal və 2-3 diş əzilmiş sarımsaqla qarışdırıb ağrıyan bölgəyə sürtün, 15-20 dəqiqə saxladıqdan sonra yuyun. 2 həftə ərzində gündə bir dəfə tətbiq edin.

 
Xərçəngin qarşısını alır

1/4 çay qaşığı sarıkök, 1/2 çay qaşığı zeytun yağı və bir çimdik istiotu mütləq şorbalara və xörəklərə əlavə edin.
 
Sızanaqlardan xilas olun

 1 yemək qaşığı aloe vera gelini 1/4 çay qaşığı sarıköklə qarışdırıb problemli bölgəyə sürtün. 10-15 dəqiqə saxladıqdan sonra yuyun. Həftədə 3 dəfə təkrar edin.

Vüsalə Əlövsətqızı, TurpKimi.com