"Sinuzitə yaxşı təsir göstərir" deyərək edilən - 5 səhv


Baharın gəlişi ilə allergik şikayətlər də  artır.

sinuzite-yaxsi-tesir-gosterir-deyerek-edilen
23.04.2021 13:19 3 dəq oxuma

İnsanların çoxunda baş ağrısı və burun tutulması olur. Belə hallarda dərmanlar və burun damcıları, spreylər bəzilərinə kömək edirsə, xroniki sinüzitdən əziyyət çəkənlər ciddi müalicə, bəzən də əməliyyat olunur. 

Sinuzit iltihabı (el arasında qaymorit) hüceyrələrin şişməsinə, bu isə burunda nəfəsin daralmasına səbəb olur və mayenin irriqasiyasını çətinləşdirir.

"Sinuzitə nə yaxşı təsir edə bilər" sualına xalq arasında həll yolları axtarılır. Ancaq bu yollar hər zaman sağlam nəticə göstərmir. Bəzən problemi ağırlaşdıra bilir.  

TurpKimi.com xalq arasında sinuzitə yaxşı təsir etdiyi deyilən 5 səhv bilgini təqdim edir:

Həyat keyfiyyətini aşağı salan sağlamlıq problemlərindən biri olan sinuzit, burun tıxanıqlığı,  burun axıntısı, baş ağrısı və qızdırma ilə özünü göstərən,  üz nahiyəsində  olan hava boşluqlarının iltihablanması nəticəsində meydana gəlir.
Ümumiyyətlə, immun sistemi zəifləyən, anidən hava dəyişiminə məruz qalan, kifayət qədər istirahət edə bilməyən, ya da burnun içində ət böyüməsi kimi problemləri olan şəxslərdə daha çox müşahidə edilir. 

Sinuzit probleminə xalq təbabətində də xeyli çarələr var. 

Ancaq bu həll yolları hər vaxt sağlam nəticələr doğurmur və xəstədə fərqli problemlərə yol aça bilir.

Qulaq-burun-boğaz xəstəlikləri üzrə mütəxəssis Op.Dr. Nurten Küçük sinuzitdə doğru bilinən 5 səhv haqda məlumat verib. 

1-Sinuzit əməliyyat olsa da, yaxşılaşmaz

Sinuzit cərrahlarının məqsədi ət böyüməsi kimi burun içini daraldan patologiyaları əməliyyat ilə ortadan qaldırmaq, eyni zamanda sinus ağızlarını genişlədərək sinusların özünü təmizləməsini təmin etməkdir.
Xroniki sinuzitdən əziyyət çəkənlər cərrahi əməliyyatdan sonra xroniki sinuzitdən xilas olar,  ancaq daha az problemlərlə qarşılaşa bilərlər.  Bu problemlər də  normal sağlam fərdlər kimi antibiotik müalicəsi ilə həll edilər.

2. Təbiblərdən şüursuzca alınan bitki və bitki çayları 

Sağlamlıq söz mövzusu olduğunda hər şeydən şüurlu, bilgili şəkildə, mütəxəssis nəzarətində istifadə edilməlidir. Bəzi ədviyyat və çaylar şəxsin digər xroniki xəstəliklərinə görə istehlak edilməlidir.

Bəzi qidalar təzyiqi, bəzi qidalar diyabet xəstələrində şəkəri yüksəldə bilir. Xəstələr bitki müalicəsindən istifadə etdikdə həkimlə məsləhətləşməlidirlər.

3. Acı qovun (Qüdrət narı da deyilir) bitkisinin suyu buruna çəkilsə sinüzitə yaxşı təsir edir

Acı qovun adı verilən bitkinin suyu sinuziti açmaq üçün xalq arasında geniş şəkildə istifadə edilir.
Ancaq toxumaları kimyəvi olaraq yandıran bu bitki korluq kimi problemlərə səbəb ola bilər.

4. Acı yemək sinuzitə yaxşı təsir edir

Bibərin içində olan kapsaisin adlı  maddə bədəndə bir çox metabolik prosesə təsir edir. Eyni zamanda bədəndə adrenalin sintezini artırır.

Bu da normalda burun açıcı  kimi istifadə edilən burun spreylərinin funksiyasını yerinə yetirir. Bu mənada acı bibərin sinuzitə və qrip kimi infeksiyalarda təsirli bir qida olduğu deyilə bilər.
Ancaq həddindən artıq istehlak etmək ciddi mədə xəstəliklərinə, hemoroidə və bir çox başqa xəstəliyə qapı açır. 

5. Sinuzitə  bir dəfə tutulan bir daha xilas ola bilməz

Sinuzit əməliyyatı xəstəliyin xroniki olmasının qarşısını almaq üçün aparılır.  Əməliyyatdan sonra şəxs  hər kəs kimi, məsələn ildə 1 dəfə sinuzitlə rastlaşa bilər.

Vüsalə Əlövsətqızı, TurpKimi.com