Şirniyyata olan güclü istəyin SƏBƏBİ

Şirniyyata qarşı güclü istək tez-tez maqnezium çatışmazlığı səbəbindən baş verir.

TurpKimi.com xəbər verir ki, bunu diyetoloq Aleksandra Noev “Moskva 24”ə müshibəsində bildirib. Davamlı duzlu yemək istəyi, öz növbəsində, bədəndə su çatışmazlığını göstərə bilər.

“Belə məhsulların (şirniyyat) tərkibinə sinir sistemini rahatlaşdıran amin turşusu - triptofan daxildir. O, melatoninin sintezini aktivləşdirir, ona görə də bəzi insanlar bir parça şokolad yeməsələr, yuxuya getməkdə çətinlik çəkirlər”, - Noev izah edib.

Onun sözlərinə görə, qadınlarda bəzən qəfil ət yemək həvəsi yarana bilər. Bu, bir qayda olaraq, B12 və B9 vitaminlərinin çatışmazlığından xəbər verir. Mümkün səbəblər arasında qanda aşağı səviyyədə ferritin, həmçinin dəmir çatışmazlığı da var.

Firuzə Alimova / TURPKİMİ.COM