Süd vəzilərinin normadan çox böyümə səbəbləri

Yetkinlik dövründən başlayaraq qızlarda süd vəzilərində böyümə müşahidə edilir. Bu böyümə təxminən 17 və 18 yaş aralığında tamamlanır. Müəyyən səbəblərdən isə sinədə böyümə yenidən başlaya bilər.

TurpKimi.com mütəxəssislərin fikirlərini bir yerə toplayaraq süd vəzilərinin normadan çox böyüməsinə səbəb olan 5 amil haqda maraqlı informasiyanı oxucuları ilə bölüşür:
 
1. Çəkinin artması ilə sinədə dolğunlaşma

Qadının sinəsi əsasən yağ toxumalarından ibarətdir. Çəkinin artması ilə sinənin də ölçüsü dəyişə bilir. 

2. Hamiləliyə görə sinənin böyüməsi

Hamiləlik zamanı da qadının süd vəzilərində kəskin dəyişiklik baş verir. Laktosit adlanan süd yaradan hüceyrələr aktivləşir və uşağı südlə təmin etməyə hazırlaşır.  Bəzi hamilə qadınlarda bu elə hamiləliliyin erkən çağlarında, bəzilərində isə hamiləlikdən sonra müşahidə edilir. Hətta elə qadınlar da var ki,  heç bir fərq hiss etmirlər. 

3. Hormonlarda dəyişikliklərin olması sinələrin böyüməsinə səbəb ola bilər

Hamiləlikdən qorunmaq üçün olan vasitələr qadının süd vəzilərində xüsusi təsirlərə malikdir. Onların tərkibində olan esterogen hormonları  döşlərin şişməsinə səbəb olan su tutulmasına gətirib çıxarar.

4. Yaşla birlikdə  böyüyən sinələr

Əslində yaşın da  sinənin böyüməsində rolu var.  Bir çox qadın üçün menopoz sinələrin böyüməsinə səbəb olar. Toxumaların  dəyişməsi nəticəsində sinəyə daha çox yağ yığılar, bu da məmənin daha böyük və daha yumşaq olmasına səbəb olar. Bu müddət ərzində esterogen  əskikliyi də məmə böyüməsində iştirak edən su tutulmasına səbəb ola bilər.

5. İdmanla məşğul olmaq  sinələri daha möhkəm edər

Daha çox idmanla məşğul olmaq və ağırlıq qaldırmaq sinənin böyüməsinə səbəb ola bilər. Sinə əzələlərinin güclənməsinə yönəlik hərəkətlər  sinələri qaldırar və daha dolğun  görünməsini təmin edər.

Vüsalə Əlövsətqızı, TurpKimi.com