Suyu necə içək ki, arıqlayaq? - SADƏ VƏRDİŞ

Biz çox vaxt yalnız çox susadığımız zaman su içirik, hətta təsəvvür belə etmirik ki, bədəni artıq çəki ilə mübarizədə onun əsas köməkçisindən məhrum edirik.

Yüngül susuzluq maddələr mübadiləsini 3-5% yavaşladır ki, bu da bir il ərzində 2-3 kiloqram əlavə çəki deməkdir.

Su bütün proseslərdə iştirak edir - yağların parçalanmasından tutmuş toksinlərin çıxarılmasına qədər, həmçinin real aclığı adi susuzluqdan ayırmağa belə kömək edir.

Yeməkdən 20 dəqiqə əvvəl bir stəkan su içməyə çalışın. Bu, iştahınızı azaldacaq və 10-15% az yeməyə kömək edəcək. Soyuq su ikiqat fayda verir: bədən onu qızdırmaq üçün kalori sərf edir və bir il ərzində bu yolla 2 kq-a qədər yağ yandıra bilərsiniz. Ancaq diqqətli olun, qazlı limonlu su mədənizi qıcıqlandıra bilər və sıfır şəkərli şirin içkilər beyninizi aldadır, yemək istəyinizi isə artırır.

Günə bir stəkan otaq temperaturunda su içməklə başlayın, özünüzlə bir şüşə götürün və hər yarım saatda bir neçə qurtum için. Sadə suyu sevmirsinizsə, nanə, xiyar və ya giləmeyvə əlavə edin. Və unutmayın: çay, qəhvə və sulu yeməklər təmiz suyu əvəz etmir, əksinə bədəndən mayeni çıxarır.

Beləliklə, bu sadə vərdişlər təkcə çəkinizi idarə etməyə kömək etməyəcək, həm də ümumi rifahınızı yaxşılaşdıracaq.

Mənbə: "News.ru"

Firuzə Alimova / TURPKİMİ.COM