Tez-tez soğan yeyəriksə - Orqanizmdə nələr baş verər?


Qoxusu pis olduğuna görə bəzi insanlar soğan yeməkdən çəkinirlər. Halbuki, təbii antibiotik olan möcüzəvi gücə sahib bu qidanın orqanizmə sonsuz faydaları vardır.  

tez-tez-sogan-yeyerikse
03.03.2021 14:53 2 dəq oxuma

TurpKimi.com xəbər verir ki,  soğan dəri sağlamlığından tutmuş formada qalmağa qədər hər şeyə kömək edir. 

Daha çox soğan istehlak etsək bədənimizdə nələr olar? 

1- HƏZMİ ASANLAŞDIRAR

Soğan həzmi sürətləndirən liflərlə zəngin qidadır. Bağırsaqlardakı yaxşı bakteriyaların çoxalmasına kömək edir. Bu da həzmi asanlaşdırır. 

2- DƏRİNİ GÖZƏLLƏŞDİRƏR

A, C və E vitaminləri baxımından zəngin olan soğan işıltılı və gözəl bir dəriyə sahib olmanızı təmin edər. Qara nöqtələri  azaldar. Aparılan araşdırmaya görə, soğandan əldə edilən gel qara nöqtələrin yüngülləşməsinə kömək edir.

3- HÜCEYRƏLƏRİN ZƏDƏ ALMASININ QARŞISINI ALAR, ANTİOKSİDANTLARI ARTIRAR

Soğan bədənimiz üçün faydalı olan 25 fərqli antioksidantın mənbəyidir. Antioksidantlar hüceyrələrin zədə almasını önləyərək yaşlanmağı gecikdirər.

4- SÜMÜK SAĞLAMLIĞI ÜÇÜN YAXŞIDIR

Araşdırmalar göstərir ki, soğan istehlak etmək sümük sıxlığına müsbət  təsir edir. Bir ay boyunca hər gün soğan istehlak edənlərdə sümük sıxlığı istehlak etməyənlərə nisbətdə 5 faiz daha çoxdur.  

5- XOLESTEROL SƏVİYYƏSİNİ AŞAĞI SALAR VƏ ÜRƏK SAĞLAMLIĞI ÜÇÜN YAXŞIDIR

Anti-inflamatuar, yəni iltihabəleyhinə  xüsusiyyəti  yüksək olan soğan pis xolesterolu da azaldar. Aşağı xolesterol səviyyəsi də ürək sağlamlığı üçün yaxşıdır. Ayrıca kardiovaskulyar  xəstəlik riskini də azaldar.

6- AĞIZ VƏ GÖZ SAĞLAMLIĞI ÜÇÜN YAXŞIDIR

Ağızda olan pis bakteriyaları öldürən soğan antimikrobial  xüsusiyyətləri ilə dişləri də gücləndirər. Soğan kataraktla mübarizə aparır və göz sağlamlığı üçün vacib olan guercetin maddəsini ehtiva edər.

7- DƏRİN YUXUYA GETMƏYİNİZƏ KÖMƏK EDƏR

Kolorado Universitetinin apardığı  araşdırmada soğan istehlakının yuxu keyfiyyətini artırdığı məlum olub. Bağırsaq sağlamlığını qoruyan  soğanın içində eyni zamanda stressi azaldan liflər də var.

Vüsalə Əlövsətqızı, TurpKimi.com