Uşaqların böyüməsində və güclənməsində hansı vitaminlərin əsas rolu var?

Uşaqlar üçün vitaminlərin dəyərini vurğulamazdan əvvəl  onları  müəyyən qruplara ayırmaq lazımdır. 

Suda həll olan vitaminlər (C və B qrupu): Bu vitaminlər suda həll olur  və bədənə yığılmadan xaric edilir. 

Yağda həll olan vitaminlər (A, D, E, K): Bu vitaminlər isə yağda həll  olur  və bədəndə yığılıb qala bilər.

Bağçada və ya məktəbdə uşaqlar virus və bakteriyaların mənfi təsirinə daha çox məruz qalırlar.  Balanslı və bol vitaminli qidalanan uşaqlar bu faktorlara qarşı müqavimət göstərə bilirlər və xəstəliklərə tutulma riskləri aşağı olur.

1 -3 yaş aralığında olan uşaqlarda immunitetin aşağı düşmə halları daha çox müşahidə edilir. Belə halda həkim məsləhəti ilə  C və E vitaminləri kimi dəstəkləyicilərlə  immunitet sistemini gücləndirə bilərlər.

Hal-hazırda xəstəlikləri tətikləyən ən önəmli faktor qeyri-kafi  vitamin və mineral  qəbuludur.  Yetərincə balanslı qidalanmamaq,  tərəvəz və meyvələrdən az istifadə etmək  orqanizmin yetərli qida elementlərini qəbul etməməsinə səbəb olur.

Hansı qidalarda, hansı vitamin və mineralların olduğunu  bilmək çox önəmlidir.  TurpKimi.com həm uşaqların, həm də böyüklərin sağlam həyat tərzi keçirməyi üçün  ehtiyac olan vitaminləri nəzərinizə çatdırır:

B1 vitamini (tiamin): Tərəvəz, taxıl məhsulları, paxlalılar və meyvələrdə var. Bu vitamin sinir sisteminin inkişafına və maddələr mübadiləsinin sürətlənməsinə kömək edir. Əskikliyi iştahsızlıq, sinir problemləri, ürək ritmi pozğunluğu kimi şikayətlərə yol aça bilər.

B2 vitamini: Süd və süd məhsulları,  yaşıl yarpaqlı tərəvəzlərdə var. Əskikliyi görmə pozğunluğu, dodaqda çatlar, dəri və mukoza xəstəlikləri kimi problemlərə səbəb ola bilər.

B6 vitamini: Ət, yumurta və taxıl məhsullarında var.  Qeyri-kafi qəbulu  ağız və burun ətrafında yağlanma yarada bilər. 

B12 vitamini: Ət, balıq və dəniz məhsullarında var. Əskikliyi sinir sistemində problemlərin və anemiyanın yaranmasına səbəb olur. 

C vitamini: Sitrus bitkiləri, ispanaq, brokoli, pomidor və yaşıl yarpaqlı tərəvəzlərdə olur. İmmunitet sistemini gücləndirir və xəstəliklərə qarşı qoruyur. 

A vitamini: Yumurta, kərə yağı və sarı rəngli meyvələrdə bol miqdarda var. Əskikliyi boy  artımında geriləmə, göz quruluğu və çəki ala  bilməmə kimi problemlərə yol aça bilər.

D vitamini: Pendir, süd, kərə yağı və yumurta kimi qidalarda var. Qeyri-kafi qəbulu  əsəbilik, tərləmə, qaşıntı, yuxu pozğunluğu, diş çürümələri kimi problemlərə səbəb ola, uşaqlarda rəxitlik riskini artıra bilər.

E vitamini: Maddələr mübadiləsini sürətləndirər, bədəndəki toksinlərin atılmasını təmin edər. Tərəvəzlər, bitki yağları, taxıl məhsulları və paxla kimi qidalarda var. 

K vitamini: Yaşıl yarpaqlı tərəvəzlərdə var. Qeyri-kafi qəbulu diş əti qanamalarına və qanın laxtalanmasının gecikməsinə yol aça bilər.

Bununla da sağlam olmaq üçün hansı vitaminləri hansı qidaları yeməklə qəbul edəcəyimizi bilmiş olduq. 

Vüsalə Əlövsətqızı, TurpKimi.com  

Əlaqəli yazılar:

A vitamini çatışmazlığını göstərən əsas əlamətlər - Qida qaynaqları

Daha çox D vitamini qəbul etməyin - 3 ASAN YOLU

Qışın D vitamini dərdi - Sümüklərinizi necə möhkəmləndirə bilərsiniz?

Şəhərdə yaşayanların D vitamini dərdi - Nələrdə var

B12 vitamini çatışmadıqda nə baş verir? - B12 ilə zəngin qidalar...

Orqanizmdə B12 vitamini çatışmadıqda nələr baş verir?

B 6 vitamini nə işə yarayır? - Hansı qidalarda var?

Orqanizmdə vitamin C-nin çox olması hansı fəsadlar törədir?