Üzməklə arıqladıqlarını düşünənlər - Diqqət!

Loughborough Universitetində işləyən idman üzrə  alimlər hobbi kimi üzgüçülüklə məşğul olan  və velosiped sürən 17 kişi və 15 qadından ibarət qrup üzərində araşdırma aparıb. 

142 kalori daha çox istehlak edilir

TurpKimi.com xəbər verir ki, iştirakçıların 60 dəqiqə üzməkdən  və 60 dəqiqə velosiped sürməkdən sonra  nə qədər yedikləri qeyd edilib. 

Üzgüçülükdən sonra insanların 142 kalori daha çox istehlak etdikləri müşahidə edilib. Bu da  25 qram paket çipsi və ya 2 biskvitə bərabərdir.  Hər məşqin fərqli vaxtlarda və 4 günlük fasilə ilə edildiyi də qeyd edilib.  

Üzərkən  bədən daha çox istilik itirir

İşçi qrupun lideri Dr. Ceyms King qeyd edib ki,  bədəndə istilik daha çox itdiyinə görə qida qəbulu da çoxalır.  "Termogenez kimi adlandırılan  bu müddətdə bədən istilik istehsal etmək  üçün qidadan istifadə edir".

King bir başqa səbəbin beyin siqnallarında və sinir hüceyrələri arasında əlaqə yaradan kimyəvi elementlərdəki  dəyişikliklərlə əlaqəli ola biləcəyini qeyd edib. "Ola bilsin ki,  üzmək  iştaha və yemə davranışlarına təsir edən beyindəki bu bölgələri xəbərdar edir ". 
 

Vüsalə Əlövsətqızı, TurpKimi.com