Uzunömürlülüyün yeganə açarı İDMANDIR

“İstənilən idman növü ilə müntəzəm məşğul olmaq uzunömürlülüyün yeganə açarıdır”.

TurpKimi.com xəbər verir ki, bunu diyetoloq Roman Pristanski “Radio 1”ə deyib.

Onun fikrincə, sağlamlığı qorumaq üçün istehlak edilən qidanın həcmini, zülalların, yağların və karbohidratların nisbətlərini müşahidə etmək vacibdir.

“Burada çox vacib məqam ağır fiziki məşqdir. Nə qədər qəribə səslənsə də, istənilən idman növü uzunömürlülüyün yeganə açarıdır. Bunun üçün əsas gimnastika edə və gəzintiyə çıxa bilərsiniz”, - Pristanski məsləhət görüb.

Diyetoloq həmçinin yatmazdan dörd saat əvvəl karbohidratları pəhrizdən tamamilə xaric etməyi tövsiyə edib. Onun sözlərinə görə, karbohidratların azaldılması yuxu zamanı böyümə hormonunu boğan insulinin səviyyəsini aşağı salır.

Firuzə Alimova / TURPKİMİ.COM