Xəstələnəndə isti buxar inqalyasiyası etmək OLMAZ

“Deyilənlərə görə, insan xəstədirsə, isti buxar inqalyasiyası ona kömək edəcək. Amma əslində belə deyil, bu vəziyyəti daha da pisləşdirə bilərlər”.

TurpKimi.com-un məlumatına görə, bunu tibb elmləri namizədi, pediatr Ekaterina Uspenskaya “Vesti Podmoskovya”ya bildirib.

İsti buxarın inqalyasiyası zamanı yüksək temperaturda bronxit, laringit, boğaz ağrısı və sinüzit kimi iltihabi proseslər pisləşə və ağırlaşmalar başlaya bilər. Hipertansiyonlu xəstələrdə qan təzyiqinin qəfil artması riski var. Uşaqlarda isə selikli qişanın yanması və qırtlağın şişməsi təhlükəsi var”, - deyə həkim izah edib.

Pediatr qeyd edib ki, meningit havaya çıxan zaman başda papağın olmaması ilə əlaqəli deyil, çünki xəstəliyin səbəbi bakteriyalardır. İmmunitet sistemi zəiflədikdə bakteriyalar aktivləşir.

“Daxili orqanların temperaturu dərinin və ya ətraf mühitin temperaturundan asılı deyil. Burada hipotermiya yenidən bakterial infeksiyaların aktivləşməsinə səbəb ola bilər: məsələn, sistit soyuqdan deyil, bədəndə mövcud olan bakteriyaların aktivləşməsindən baş qaldırır”, - Uspenskaya əlavə edib.

Bundan əlavə, həkim vurğulayıb ki, kor bağırsağın iltihabı günəbaxan tumu və ya çirkli, qabıqlı nəsə yeməklə olmur. Bu daha çox infeksiya səbəbindən baş verir.

Firuzə Alimova / TURPKİMİ.COM