Yanmış yağ ləkələrini təbii yolla necə təmizləmək olar? - Ən ucuz vasitə


Qazanın dibindəki yanmış yağları təmizləmək gözünüzə durub?

yanmis-yag-lekelerini-tebii-yolla-nece-temizlemek-olar
21.08.2019 21:20 1 dəq oxuma

TurpKimi.com asan variantı təqdim edir:

Qazan, tava və nimçələrin yanmış yağlardan təmizlənməsi bir az daha çətindir. Xüsusilə yüksək temperaturda  uzun müddət qaldıqları üçün yağları təmizləmək çətinləşir.  Bunun üçün də qadınlar  sərt kimyəvi maddələr  ehtiva edən təmizləyici vasitələrdən istifadə edərlər. Amma təbii vasitələrlə hazırlanmış, sağlamlıq üçün heç bir zərəri olmayan qarışıq da hazırlamaq mümkündür. 

Ehtiyacınız olan ləvazimatlar:

1/2 su stəkanı qabartma tozu

1 və ya 2 xörək qaşığı hidrogen peroksid (oksigenli su-pereks)

Süngər

Necə tətbiq olunur?

Qabartma tozu və hidrogen peroksidi kiçik bir kasa içində qarışdırın. Qarışıq krem şanti forması alanadək qarışdırın.  

Alınmırsa  içinə bir miqdar da hidrogen peroksid əlavə edə bilərsiniz.

Yanmış yağ ləkələri olan qazan, tava və ya nimçənin üzərinə bu qarışığı yaxşıca yayın.  Hidrogen peroksid möcüzəvi şəkildə yağ ləkələrini aparacaq. Xüsusilə metallar üzərində təbii ləkə çıxarıcıdır. 

Daha sonra  təmizləmək istədiyiniz qazan, tava və ya nimçəni süngər ilə sürtün. Bütün yağ ləkələri yox olana qədər sürtün. 

Sonra  yuyun və durulayın. Qazan, tava və ya nimçənizdə qara yağ ləkələrinin qalmadığını və tərtəmiz olduğunu görəcəksiniz.

Vüsalə Əlövsətqızı, TurpKimi.com