Yay günlərini sərinlədən buzlu yaşıl çay 

Turpkimi.com sərinləşdirici buzlu yaşıl çay içkisinin necə hazırlanmasından yazacaq. 

İsti havalarda hərarətinizi söndürəcək, həzmsizliyə yaxşı təsir edən,  sağlamlıq üçün faydalı buzlu çay reseptini təqdim edirik. 

Lazım olanlar:

1 litr isti su
 
3 xörək qaşığı yaşıl çay
 
 3 xörək qaşığı əsmər şəkər
 
 3 budaq nanə
 
 1 ədəd limon suyu
 
 1 su stəkanı buz
 
 Hazırlanma qaydası:

 Dərin bir qabda suyu qaynadın və içərisinə yaşıl çayı əlavə edib qapağını bağlayın.
 
 Qapağı örtülü şəkildə çayı 15 dəqiqə dəmləyin.  Sonra geniş ağızlı bir dolçaya çayınızı süzün.
 
 Əsmər şəkər və limon suyunu əlavə edib qarışdırın. Son olaraq təzə nanələri də çaya əlavə edib,  dolçanın ağzını bağlayıb soyuducuda soyumağa qoyun.
 
 Soyuyan çayınızı buzla dolu stəkanlara töküb limon dilimləri və təzə nanə yarpaqları ilə servis edin. 
 
 Hazırladığınız çayı içərisindəki nanə yarpaqlarını çıxartdıqdan sonra 3-4 gün soyuducuda saxlaya
 bilərsiz.

Vüsalə Əlövsətqızı, TurpKimi.com

Yazılıb: 23-08-2019